20:13 23 հունվարի 2018
Ուղիղ եթեր
Ինֆոգրաֆիկա

Բախումների իրական ու կեղծ պատկերը

Ստանալ կարճ հղումը
73130
Երկօրյա բախումների իրական ու կեղծ պատկերը

Ղարաբաղա-ադրբեջանական հակամարտ զորքերի շփման գծի ողջ երկայնքով իրավիճակը շարունակում է լարված մնալ: ԼՂՀ ՊԲ-ի հաղորդումների համաձայն` Թալիշի ուղղությամբ հակառակորդին հասցվում է կենդանի ուժի և զինտեխնիկայի մեծ կորուստներ: Ավելի քան 2 օր շարունակվող մարտական գործողությունների հետևանքով երկու կողմերի կորուստների մասին տեղեկությունները կցկտուր են

ԼՂՀ ՊԲ-ի տվյալներով, միայն Թալիշի հատվածում ադրբեջանական զինուժը կորցրել է 3 տանկ, ևս 2 տանկ և 1 հետևակի մարտական մեքենա հակառակորդն այսօր կորցրել է հարավարևելյան ուղղությամբ: Իսկ հյուսիսարևելյան ուղղությամբ այսօր ոչնչացվել է ևս 1 տանկ, հյուսիսային ուղղությամբ` «Գրադ» տիպի 1 հրթիռահրետանային կայանք, 1 միավոր ինժեներական տեխնիկա և 1 միավոր անօդաչու թռչող սարք՝ Մարտակերտի ուղղությամբ:: Ընդհանուր առմամբ երեկ և այսօր, հայկական կողմի պաշտոնական հայտարարություններով, ադրբեջանական բանակը կորցրել է 15 տանկ, 6-ից ավելի այլ զրահատեխնիկա, այդ թվում՝ հետևակի մարտական մեքենա և 3 անօդաչու թռչող սարք: Ադրբեջանական կողմը պաշտոնապես ընդունել է միայն 1 ռազմական ուղղաթիռի և 1 տանկի կործանման փաստը:

Ղարաբաղի պաշտպանության բանակը, պաշտոնական տվյալներով, կորցրել է միայն 1 տանկ:

Ինչ վերաբերում է մարդկային կորուստներին ու վիրավորներին, պաշտոնական վերջին տվյալներով, որոնք երեկ Անվտանգության խորհրդի արտահերթ նիստում հրապարակեց ՀՀ նախագահ Սերժ Սարգսյանը, հայկական կողմն ունի 18 զոհ, շուրջ 35 վիրավոր: Վիրավորներից 7-ը, պաշտոնական տվյալներով, խաղաղ բնակիչներ են, որոնց թվում 2 երեխա կա: Զոհվածներից հայտնի է միայն դպրոցի բակում արկի պայթյունից մահացած 12-ամյա Վաղինակ Գրիգորյանի անունը:

Վիրավոր զինծառայողների մասին միակ տեղեկությունը, որը պաշտոնապես հաստատվել է, վերաբերում է Կենտրոնական զինվորական հոսպիտալում բուժվող 10 զինվորներին:

Ադրբեջանական կողմը, հայկական պաշտոնական հայտարարություններով, 200 մարդկային կորուստ է կրել: Ադրբեջանի պաշտպանության նախարարությունը հաստատել է միայն 12 մահացածների փաստը:

Այդուհանդերձ, ԼՂ պաշտպանության բանակը երեկ լուսանկարներ էր հրապարակել, որոնց համաձայն, ադրբեջանական զինուժի մարդկային կորուստները գերազանցում են Ադրբեջանի պաշտոնական աղբյուրների հաստատած տվյալները:

Այսպես, կործանված ադրբեջանական ուղղաթիռի մոտ երևում են ուղղաթիռի անձնակազմի 2 անդամների կիսաայրված դիակները: Բացի այդ, ԼՂՀ ՊԲ-ն նկարահանել և հրապարակել էր նաև շփման գծի չեզոք գոտու հատվածում ադրբեջանական զինուժի նահանջից հետո թողնված 11 զոհի դիակների լուսանկարները:

Այսօր Ադրբեջանի ներքին գործերի նախարարությունն ու Գլխավոր դատախազությունը հայտարարեց նաև 2 զոհված խաղաղ բնակչի և 10 վիրավորի մասին:

 

Այլ ինֆոգրաֆիկաներ

  • Նախագահական քրոնիկոն
    Last update: 13:30 23.01.2018
    13:30 23.01.2018

    ՀՀ նախագահներն ու նախագահի հիմնական թեկնածուն

    Մեր Սահմանադրության համաձայն` 2018–ի ապրիլի 9–ին արդեն խորհրդարանական Հայաստանը կունենա նոր նախագահ` օժտված միայն ներկայացուցչական լիազորություններով։ Sputnik Արմենիան ներկայացնում է Հայաստանի 3–րդ հանրապետության նախագահական քրոնիկոնը և ՀՀ 4–րդ նախագահի թեկնածուին։

    41
  • Ինչպես մթերքը պահել սառնարանում
    Last update: 10:19 22.01.2018
    10:19 22.01.2018

    Մթերքը սառնարանում ճիշտ պահելու կանոններ

    Որպեսզի մթերքը թարմ մնա սառնարանում, պետք է որոշակի կանոնների հետևել։ Sputnik Արմենիայի պատրաստած ինֆոգրաֆիկան կօգնի երկարացնել սառնարանում պահվող մթերքի կյանքը։

    37
  • 2017-ի թանկացումները
    Last update: 18:06 17.01.2018
    18:06 17.01.2018

    Ի՞նչն է թանկացել 2017 թվականին

    Բենզինն ու սեղված գազն արդեն թանկացել են, սակայն տոնական իրարանցման մեջ տեսադաշտից դուրս է մնացել մյուս ապրանքների թանկացումը։

    73
  • 10 ամենահայտնի հայկական ուտեստները
    Last update: 19:01 13.01.2018
    19:01 13.01.2018

    Հայկական ամենահայտնի ուտեստների տասնյակը

    Sputnik Արմենիայի պատրաստած ինֆոգրաֆիկայում ներկայացված են հայկական խոհանոցի ամենահայտնի ուտեստները։

    101

Գլխավոր թեմաներ