Այսօր բոլոր եկեղեցիներում մատուցվում է Ճրագալույցի սուրբ պատարագ: Պահոց շրջանը, որ նախորդում է Սուրբծննդյան տոներին, ավարտվում է հենց Ճրագալույցի սուրբ պատարագով:
Սուրբծննդյան տոնը սկսվում է հունվարի 5-ի երեկոյան և շարունակվում կեսգիշերից հետո: Եկեղեցական օրացույցով օրը սկսվում է երեկոյան՝ ժամերգությունից հետո: Սա է պատճառը, որ Սուրբծննդյան և Սուրբ Զատիկին նախորդող օրերին՝ Ճրագալույցի սուրբ պատարագի ընթացքում է եկեղեցին ավետում բարի լուրը՝ «Քրիստոս ծնաւ եւ յայտնեցաւ», «Քրիստոս յարեաւ ի մեռելոց»:
«Ճրագալույց» նշանակում է ճրագ՝ մոմ վառել՝ լուցանել:
Սուրբ ծնունդին մարդիկ միմյանց ողջունում են՝ ասելով` Քրիստոս ծնվեց և հայտնվեց, օրհնյալ է հայտնությունը Քրիստոսի:
«Էստի համեցե՜ք». ինչ կարելի է գտնել սուրբծննդյան տոնավաճառում
Ըստ Գրիգոր Տաթևացու՝ սուրբ պատարագ մատուցվում է երկու անգամ՝ հունվարի 5-ի երեկոյան՝ Ճրագալույցի, և հունվարի 6-ի առավոտյան՝ Տերունական, որովհետև Քրիստոսի ծնունդը կեսգիշերին եղավ, իսկ մկրտությունը՝ կեսօրին, ուստի Ճրագալույցի պատարագը Քրիստոսի ծննդյան խորհրդով է, իսկ առավոտյանը՝ մկրտության:
Հայտնի դերասանուհին հայտնվել է սկանդալի մեջ «Երջանիկ Սուրբ ծնունդ» մաղթանքի պատճառով
