18:16 29 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Ինֆոգրաֆիկա

Կառավարությունում փոփոխություններ են կատարվել

Ստանալ կարճ հղումը
235 0 0
Կառավարությունում փոփոխություններ են կատարվել
© Sputnik / Shushanik Sargsyan

Sputnik Արմենիայի ինֆոգրաֆիկայում կարող եք տեսնել, թե ինչ կադրային փոփոխություններ են եղել Հայաստանի կառավարությունում եռակողմ հայտարարության ստորագրումից հետո։

Կառավարությունում նախարարների փոփոխությունների մեկնարկը տրվեց նոյեմբերի 16–ին ՀՀ արտաքին գործերի նախարար Զոհրաբ Մնացականյանի հրաժարականով։ Մնացականյանը արտաքին գործերի նախարար էր նշանակվել 2018 թվականի մայիսի 12-ին։

Նոյեմբերի 18-ին ՀՀ արտգործնախարար նշանակվեց Արա Այվազյանը։ Նա դիվանագիտական աշխատանքի երկարամյա փորձ ունի, Հայաստանի արտակարգ և լիազոր դեսպանն է եղել աշխարհի մեկ տասնյակից ավելի երկրներում։

Նոյեմբերի 17–ին հայտնի դարձավ, որ հրաժարականի դիմում է ներկայացել ՀՀ արտակարգ իրավիճակների նախարար Ֆելիքս Ցոլակյանը։ Նա ԱԻ նախարար էր նշանակվել 2018 թվականի հոկտեմբերի 4-ին։

Նոյեմբերի 20-ին ԱԻ նախարար նշանակվեց գեներալ-մայոր Անդրանիկ Փիլոյանը։ Նորանշանակ նախարարը Հայոց բանակի կազմավորումից հետո անցել է ծառայության որպես սպա։ Եղել է առանձին գումարտակի հետախուզական դասակի հրամանատար, հետախուզության պետ, գումարտակի հրամանատարի տեղակալ, գումարտակի հրամանատար, գնդի շտաբի պետ, բրիգադի հրամանատարի տեղակալ, գնդի հրամանատար, այնուհետև բանակային զորամիավորման հրամանատարի տեղակալ, իսկ հետո` 5-րդ բանակային զորամիավորման հրամանատարը։

Նոյեմբերի 20-ին հայտնի դարձավ ՀՀ պաշտպանության նախարար Դավիթ Տոնոյանի հրաժարականի մասին։ Տոնոյանը նախարարի պաշտոնում նշանակվել էր 2018 թվականի մայիսի 11-ին։ ՊՆ նորանշանակ նախարարն է Վաղարշակ Հարությունյանը։ Նա նախկինում արդեն մեկ անգամ զբաղեցրել էր ՊՆ նախարարի պաշտոնը՝ 1999-2000 թվականներին։ Այնուհետև զբաղվել է քաղաքական գործունեությամբ։ 2002 թվականին ՀՀ երկրորդ նախագահ Ռոբերտ Քոչարյանը զրկել է նրան գեներալ–լեյտենանտի կոչումից։ 2019 թվականին ՀՀ նախագահ Արմեն Սարգսյանի հրամանով նրա կոչումը վերականգնվել է։ 2020 թվականի օգոստոսին նշանակվել է ՀՀ վարչապետ Նիկոլ Փաշինյանի խորհրդական։

Նոյեմբերի 20-ին հայտնի դարձավ ևս մեկ նախարարի հրաժարականի մասին. ՀՀ աշխատանքի և սոցիալական հարցերի նախարար Զարուհի Բաթոյանը աշխատանքից ազատման դիմում ներկայացրեց։ Նրան փոխարինել է այդ պաշտոնում մասնագիտությամբ տնտեսագետ Մեսրոպ Առաքելյանը, որն աշխատել է բանկերում, ունի բանկի գործադիր տնօրենի որակավորում: Դասավանդում է Երևանի պետական համալսարանում։

Հավելենք, որ հրաժարականները հաջորդել են Հայաստանի, Ադրբեջանի, Ռուսաստանի եռակողմ հայտարարության ստորագրմանը։

Ըստ թեմայի

Մովսես Հակոբյանը հրաժարվել է պաշտոնից
Երևանում փողոցներ են փակում Փաշինյանի հրաժարականի պահանջով. տեսանյութ
Արվածի մասին լրացուցիչ հաշվետվություն կներկայացնեմ. Զարուհի Բաթոյանը՝ իր հրաժարականի մասին
թեգերը:
Նշանակում, կառավարություն, Նախարար

Այլ ինֆոգրաֆիկաներ

  • Կադրային փոփոխություններ կառավարությում
    Last update: 20:19 24.11.2020
    20:19 24.11.2020

    12–ից 6–ն արդեն հեռացել են. որ նախարարներն են ազատվել պաշտոնից

    Հայաստանի կառավարությունը կիսով չափ «թարմացվել» է։ Թեև հասարակությունը պահանջում է վարչապետ Փաշինյանի հրաժարականը, նա նախարարներին է ազատում, կամ նրանք են հրաժարական տալիս։ Sputnik Արմենիան ներկայացնում է հեռացող ու եկող նախարարներին։

    308
  • Ադրբեջանի վերահսկողության տակ անցած արցախյան համայնքները
    Last update: 14:41 23.11.2020
    14:41 23.11.2020

    121 արցախյան համայնք դարձան ադրբեջանական. որոնք են դրանք

    ՀՀ կառավարությունը հրապարակել է սեպտեմբերի 27-ից Ադրբեջանի կողմից Արցախի դեմ սանձազերծած պատերազմի ու նոյեմբերի 9-ին ստորագրված եռակողմ հայտարարության հետևանքով Ադրբեջանի վերահսկողության տակ անցած հայկական գյուղերի ու քաղաքների ցանկը։

    1787
  • Պայմանական քարտեզ՝ եռակողմ հայտարարության արդյունքներով
    Last update: 20:26 21.11.2020
    20:26 21.11.2020

    Ինչ մնաց Արցախից. նոր քարտեզ

    Ղարաբաղյան ռազմական գործողությունների և նոյեմբերի 9-ին ստորագրված եռակողմ հայտարարությունից հետո Արցախի քարտեզը հիմա այլ տեսք ունի։

    5795
  • Ովքեր են հեռանում Փաշինյանի թիմից
    Last update: 22:47 16.11.2020
    22:47 16.11.2020

    Ովքեր են հեռանում Փաշինյանի թիմից

    Մանդատները վայր են դրել խորհրդարանի պատգամավորներ, հրաժարական են տվել մի քանի պաշտոնյաներ։

    1960

Գլխավոր թեմաներ