Հայաստանում ընտրելու իրավունք ունեցող 2 593 572 քաղաքացիներից ժամը 17։00—ի դրությամբ ընտրությանը մասնակցել են 989 972 –ը կամ 38.17 տոկոսը։ Տեղեկությունն այսօր ԿԸՀ–ում կայացած ասուլիսում հայտնեց ԿԸՀ քարտուղար Արմեն Սմբատյանը։
Պաշտոնական տվյալներով` Երևանում ընտրելու իրավունք ունեցող 859 000 քաղաքացիներից ժամը 17։00-ի դրությամբ քվեարկությանը մասնակցել են 344 868 –ը կամ 40.15%, Արագածոտնի մարզում 117 472–ից ընտրությանը մասնակցել է 44 511–ը կամ 37.89%–ը, Արարատում 223 360 ընտրողներից արդեն ընտրություն է կատարել 83 766–ը կամ 37.5 %–ը, Արմավիրի մարզում 235 840 ընտրողներից քվեարկւթյանը մասնակցել է 75 035–ը կամ 31.82%–ը։
Գեղարքունիքում 189 527 ընտրողներից քվեարկել է 70 839 –ը կամ 37.38%–ը, Լոռիում գրանցված 233 552–ից քվեարկել է 87 310–ը կամ 37.38 %–ը, Կոտայքում 242 022 ընտրողներից ընտրությանը մասնակցել են 93 828–ը կամ 37.87 %–ը, Շիրակի մարզում գրանցված 226 763 ընտրողներից քվեարկել է 73 171–ը կամ 32.27%–ը, Սյունիքում` 109 726 ընտրողներից ընտրությանը մասնակցել է 51 303–ը կամ 46 83%–ը, Վայոց Ձորի մարզում` 46 620 ընտրողներից քվեարկել է 19 888–ը կամ 62.66 %–ը և Տավուշի մարզում գրանցված 109 690 ընտրողներից քվեարկել են 45 376–ը կամ 41.37%–ը։
ԿԸՀ–ն մասնակցության արդյունքներն ամփոփում է յուրաքանչյուր 3 ժամը մեկ։ Ընտրությունները Հայաստանում կավարտվեն այսօր, ժամը 20։00-ին։
Նշենք, որ 2018թ–ին կայացած ընտրություններին ժամը 17։00-ի դրությամբ 2 592 479 ընտրողներից քվեարկությանը մասնակցել է 1 025 002-ը, կամ ընտրողների 39,54 տոկոսը։
Զենքով ընտրատեղամաս մուտք գործելու ու բռնություն գործադրելու փաստով քրգործ է հարուցվել
Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։
Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։
Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։
Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել
