Մինչև 2026 թվականը Հայաստանում գործազրկության մակարդակը 10 տոկոսից ցածր կլինի, ծայրահեղ աղքատությունն էլ` կվերանա։ Նման նշաձող է դրված ՀՀ կառավարության 2021-26թթ–ի գործունեության ծրագրում, որը հաստատվել է գործադիր իշխանության կողմից ու ներկայացվել խորհրդարանի հաստատմանը։
ՀՀ վարչապետ Նիկոլ Փաշինյանը ծրագրի ներկայացման ժամանակ հայտնել է, որ մինչև 2026 թվականը կառավարության տնտեսական թիրախներն են` համախառն ներքին արդյունքի տարեկան միջին աճի նվազագույն 7 տոկոս մակարդակ ապահովելը, իսկ բարենպաստ արտաքին տնտեսական պայմաններում` 9 տոկոս։
Նվազագույն կենսաթոշակի չափերը պետք է հավասարեցվեն պարենային և սպառողական զամբյուղներին, նվազագույն աշխատավարձը՝ կսահմանվի 85 000 դրամ։
Ծրագրվում է բարելավել նաև տրանսպորտային ոլորտը։ ՀՀ կառավարությունը «Հարավկովկասյան երկաթուղիներ» ՓԲԸ-ի հետ պայմանավորվածություն է ձեռք է բերել մինչև 2024 թվականը երկաթուղում 39 մլրդ դրամի ներդրումներ անելու վերաբերյալ։
