05:00 18 նոյեմբերի 2017
Ուղիղ եթեր
Арцах, НКР

«Արցախ։ Ապագայի կերպարներ» գրական մրցույթի հայտերն ընդունվում են օգոստոսի 1–ից

© Weltrekordreise
Արցախ
Ստանալ կարճ հղումը
36 0 0

Հաղթողների համար նախատեսվում են մրցանակներ, այդ թվում` ժյուրիի անդամներից, մրցույթի արդյունքներով լավագույն աշխատանքները կհրապարակվեն, հայտնել է ռուս փորձագետ, հրապարակախոս Դենիս Դվորնիկովը, ով ընդգրկված է մրցույթի ժյուրիի կազմում

ԵՐԵՎԱՆ, 14 հուլիսի  – Sputnik. «Արցախ։ Ապագայի կերպարներ» գրական մրցույթի մասնակցության հայտերն ընդունվում են օգոստոսի սկզբից մինչև սեպտեմբերի 30–ը, «Sputnik-Արմենիա» ռադիոյի եթերում ասել է ռուս փորձագետ, հրապարակախոս Դենիս Դվորնիկովը, ով ընդգրկված է մրցույթի ժյուրիի կազմում։

Նրա խոսքով, մարցույթին մասնակցել ցանկացողների թիվը մեծ է։

«Սկսած օգոստոսի մեկից` հայտեր կընդունվեն, մինչ այդ մենք պատրաստ ենք պատասխանել կասկածներ ունեցողների նամակներին, ինչպես ասում են` բարի կամքի ժեստ մեր կողմից։ Քանի որ հայտերն ընդունվելու են ամբողջ օգոստոսի և սեպտեմբերի ընթացքում, բոլոր նրանց համար, ովքեր երկու հազար բառ են ցանկանում գրել, ժամանակն ավելի քան բավական է»,– նշել է նա։
 
Հրապարակախոսը նշել է, որ հաղթողների համար նախատեսված են «բավականին կոնկրետ նյութական» մրցանակներ, կլինեն նաև մրցանակներ ժյուրիի անդամներից, իսկ մրցույթի արդյունքներով լավագույն աշխատանքները կհրապարակվեն։

Հաղթողների ընտրության հիմնական չափանիշն է` թեմայի բացումը, քանի որ մրցույթի մասնակիցները գրելու են ապագայի մասին, իսկ ապագան պետք է գրավիչ լինի։ Կարևորը, Դվորնիկովի խոսքով, մասնակիցների ուղարկած աշխատանքները մինչև վերջ կարդալու ցանկությունն է։

«Նրանք պետք է գրեն ուրախալի հեռանկարներով, որքան պակաս լինեն թեմաթիկայում խնդիրները, այնքան լավ»,– ասել է նա։

«Գլխավորը, որ մրցույթի մասնակիցները չվախենան և չամաչեն գրել։ Մենք այստեղ քննություն չենք կազմակերպում, սա միանգամայն բարեկամական մրցույթ է»,– ավելացրել է նա։

Մրցույթին մասնակցելու համար, որի պայմանները նշված են artsakh2000.com կայքում,  հրավիրվում են ռուսաց լեզվով ստեղծագործությունների երիտասարդ հեղինակներ` ավագ դասարանների դպրոցականներ, միջին մասնագիտական կրթության հաստատությունների և բուհերի ուսանողներ, մինչև 30 տարեկան աշխատող երիտասարդություն ։ Դիտարկման են ընդունվում ազատ ոճի աշխատանքներ մինչև 2000 բառ ծավալով` էսսե, գեղարվեստական արձակ, հրապարակախոսական հոդվածներ, խառը ժանրերի ստեղծագործական ստեղծագործություններ։ Մրցույթի մասնակիցներին անհրաժեշտ է բացել Արցախի Հանրապետության ապագայի կերպարները, մարդկանց, մարդկային հարաբերությունների, գյուղերի, քաղաքաների կյանքը, կապն արտաքին աշխարհի հետ (ներառյալ Ռուսաստանը)։ 

Առաջին տեղի համար հաղթողները կստանան 30000 դրամի (մոտ 63 դոլար).

մրցանակ, երկրորդ տեղի համար` 20000 դրամ (մոտ 42 դոլար),  երրորդի համար` 10000 դրամ (մոտ 21 դոլար)։ Նախատեսվում են նաև հատուկ մրցանակներ ժյուրիի յուրաքանչյուր անդամից` 5000 դրամ (մոտ 10.5 դոլար) և հավաստագրեր։

Աշխատանքների ստուգումը և արդյունքների ամփոփումը նշանակված է 2015 թվականի հոկտեմբերի 15–ին, իսկ հաղթողների պարգևատրումը` 2015 թվականի հոկտեմբերի 19–ին։

Գլխավոր թեմաներ