Ստեփանակերտում փակ են զվարճանքի բոլոր օբյեկտները

ԵՐԵՎԱՆ, 3 ապրիլի- Sputnik. Լեռնային Ղարաբաղի մայրաքաղաք Ստեփանակերտում իրավիճակը բավական հանգիստ է, խուճապ չի նկատվում, բայց ընդհանուր առմամբ լարվածություն է զգացվում, հաղորդում է Sputnik Արմենիայի թղթակիցը Ստեփանակերտից։ Նրա խոսքով` զվարճանքի բոլոր օբյեկտները փակ են, չեղյալ են հայտարարվել հանդիսությունները և տոնական միջոցառումները, թեև որոշ սրճարաններ աշխատում են։

«Մարդիկ հավաքվում են սրճարանում, նորություններ լսում և հետևում սահմանին տիրող իրավիճակին։ Հավաքակայանի մոտ շարունակում են մարդիկ հավաքվել, ստուգվում են պահեստայինների ցուցակները»,- ասաց նա։

Ստեփանակերտում կյանքն ընթանում է սովորական հունով։