11:26 22 օգոստոսի 2017
Ուղիղ եթեր
НКР

Ամենամեծ ու ամենածանր զենքը խուճապն է

© Sputnik/ Stringer
Արցախ
Ստանալ կարճ հղումը
14211

Դադիվանքի հոգևոր հովիվ Տեր Հովհաննես քահանա Հովհաննիսյանը Sputnik Արմենիա ռադիոկայանի եթերում խոսում է ղարաբաղա–ադրբեջանական շփման գծում ծավալված իրադարձությունների, հայ ժողովրդի անկոտրում ոգու ու վերջնական նպատակի մասին

ԵՐԵՎԱՆ, 3 ապրիլի — Sputnik. Տեր Հովհաննես քահանա Հովհաննիսյանի խոսքով` ժողովուրդը հանգիստ է, խաղաղ, իր գործերով է զբաղվում, իսկ տղամարդիկ պատրաստ են հենց այս րոպեին գնալ ու դիմակայել այն առաջխաղացմանը, որ հանդգնել է թուրքը` նորից հողերի մասին մտածելով։

«Միայն մի բան կարող եմ ասել` մեր հայ ժողովրդի ցավը տանեմ։ Երբ խաղաղ էր, մարդիկ ասում էին` եթե նորից պատերազմ լինի, չեն գնա, վիրավորված են, բայց հենց որ լուրը լսեցին, բոլորը կամավոր եկան, ասեցին` զենք տվեք, մենք գնում ենք մեր հարցերը վերջնական լուծելու։ Իսկ գիտեք ո՞րն մեր վերջնական հարցը` Վաչագան բարեպաշտ թագավորի հիմնած քաղաքից, այսինքն Քուռ գետի ձախափնյա մասի ուղղությամբ, պատմական Գանձակով մինչև Հայաստան միացումը։ Սա է մեր ժողովրդի նպատակը»,- ասաց մեր զրուցակիցը։

Քահանայի խոսքով` արցախահայությունը երեկ նորից ապացուցեց, որ իր հողի տերն է, իսկ ադրբեջանցիներն էլ տեսան, որ չեն կարող կոտրել պատնեշը։

«Չեն կարող կոտրել, որովհետև հայ ժողովուրդը գիտի` ինքն իր հողի վրա է կանգնած և իր սրբավայրն է պաշտպանում։ Նրանք երբևէ չպետք է մտածեն, թե մի օր կարող են ունենալ Արցախ աշխարհը։ Իսկ 1992-94-ի դասերը երևի շուտ են մոռացել, հիմա նորից հիշեցրինք նրանց»,- ասաց նա` վստահեցնելով, որ հայ ժողովուրդը ամուր է թե՛ հոգեպես, թե՛ ֆիզիկապես։

Նրա խոսքով` ադրբեջանական կողմը ժամանակակից զենք ունի, բայց զենքը բանեցնողը մարդն է, իսկ նրանք այն ոգին չունեն, որ դա բանեցնեն։

«Հայ ժողովուրդը քանակային առումով զիջում է, բայց իր ոգու շնորհիվ պաշտպանում է իր հայրենիքը»։

Հոգևոր հայրը հորդորում է ոչ մի դեպքում խուճապի չմատնվել, որովհետև խուճապն ամենամեծ ու ամենածանր զենքն է։

«Մեր տղաները վերահսկում են իրավիճակը և ավելի լավ ու ամուր դիրքեր ունեն։ Աստված պահապան մեր տղաներին ու մեր հայոց բանակին»,- եզրափակեց Sputnik Արմենիայի զրուցակիցը։

 

Գլխավոր թեմաներ