ԵՐԵՎԱՆ, 3 ապրիլի — Sputnik. Հրազենային վիրավորում ստացած երեխաները գտնվում են Ստեփանակերտի «Արևիկ» մանկական բուժմիավորման վերակենդանացման բաժանմունքում:
Ստեփանակերտի Հանրապետական բժշկական կենտրոն տեղափոխված խաղաղ բնակիչներ Ծովինար և Գարեգին Աղաջանյանները, ովքեր բեկորային վնասվածքներ էին ստացել, վերակենդանացման բաժանմունքի տեղափոխվել են վիրաբուժական բաժանմունք: Նրանց վիճակը կայուն է գնահատում:
Իսկ Զավեն Ավանեսյանը և Կամո Աբրահամյանը դեռ շարունակում են մնալ վերակենդանացման բաժանմունքում: Նրանց վիճակը գնահատվում է կայուն ծանր:
Հիշեցնենք, գլխուղեղի բաց թափանցող հրազենային կույր վիրավորում ստացած Հայկ Թորոսյանը երեկ Ստեփանակերտի հիվանդանոցից տեղափոխվել է Երևան: