ԵՐԵՎԱՆ, 20 դեկտեմբերի — Sputnik. Լեռնային Ղարաբաղի բարձրաստիճան պաշտոնյա Սերգեյ Շահվերդյանը Facebook-ի իր էջում առեղծվածային քարե սալիկների նկարներ է տեղադրել։
«Այ, թե ինչ են հայտնաբերել մեր աշխատակիցները Արցախի շրջաններից մեկում։ Փոքր հրապարակում մի քանի տասնյակ նման հղկված քարեր են ցաքուցրիվ եղած։ Այժմ գլուխ են կոտրում, թե ինչ կարող է լինել սա։ Ոչ պատրաստման նշանակությունը, ոչ ժամանակաշրջանը հայտնի չեն»,- գրել է Շահվերդյանը։
Նկարները մեծ աղմուկ են բարձրացրել սոցցանցի օգտատերերի շարքում, որոնք տարբեր ենթադրություններ են անում սալիկների ծագման և տարիքի վերաբերյալ։
Մեկնաբաններից մեկը, մասնագիտությամբ հնագետ Fulgur Conditum-ը կարծում է, որ նկարների վրա խաղող ճզմելու սարքեր են պատկերված։
«Լուսանկարներում խաղող ճզմելու սարքեր են։ Կարծում եմ՝ բոլորը չեն հղկված մինչև վերջ»,- գրել է նա։
Մեկ այլ օգտատեր շատ հետաքրքիր կարծիք է հայտնել. «Հասարակ քարե կերտվածք է թռչող սարք պատրաստելու համար, ինչի վրա եկել են ու հետ գնացել…»։
Այս վեճը ստիպեց հին հայկական «Հայելի» մուլտֆիլմը հիշել, երբ մարդիկ առաջին անգամ հայելի հայտնաբերեցին և յուրաքանչյուրը միայն իրեն բնորոշ հատկանիշներ է տեսնում մեջը։
Նյութի ռուսերեն տարբերակը։
