ԵՐԵՎԱՆ, 18 հունվարի — Sputnik. Ռուսաստանի արտգործնախարար Սերգեյ Լավրովը և ԵԱՀԿ-ն նախագահող Ավստրիայի արտգործնախարար Սեբաստիան Կուրցը բանակցություններ են անցկացնում Մոսկվայում։ Այս մասին հայտնում է ՌԻԱ Նովոստին։
ՌԴ պաշտոնական ներկայացուցիչ Մարիա Զախարովան ավելի վաղ հայտնել է, որ կողմերը հանդիպման ընթացքում կքննարկեն հարցերի լայն շրջանակ, մասնավորապես՝ սիրիական կարգավորումը, իրավիճակն Ուկրաինայում, Լեռնային Ղարաբաղում, Մերձդնեստրում, ինչպես նաև Եմենում և Լիբիայում:
Ավելի վաղ Սերգեյ Լավրովը հայտնել էր, որ Ղարաբաղյան հակամարտությունը պետք է կարգավորվի խաղաղ ճանապարհով։ Նա նաև մտահոգություն էր հայտնել 2016-ի ապրիլյան դեպքերի կապակցությամբ` ընդգծելով, որ արյունահեղությունը դադարեցնելու հարցում որոշիչ դեր էր խաղացել Ռուսաստանը։
