ԵՐԵՎԱՆ, 23 փետրվարի — Sputnik. Փետրվարի 23-ին՝ ժամը 00:45-ի սահմաններում, ՊԲ հյուսիսային ուղղղությամբ տեղակայված զորամասերից մեկի պահպանության տեղամասում, դեռեւս չպարզված հանգամանքներում, մահացու վիրավորում ստացած պայմանագրային զինծառայող, 1991թ. ծնված Գոռ Ֆրունզիկի Խուդինյանի հայրը Ոստիկանության Լոռու մարզային վարչության Տարոնի բաժնի համայնքային ոստիկան է՝ կոչումով կապիտան:
Lorinews.info-ին հայտնի է դարձել, որ ընտանիքի անդամներին արդեն տեղեկացրել են ողբերգության մասին:
Խուդինյանները Լոռու մարզի Ճոճկան գյուղից են, սակայն երկար տարիներ է, ինչ բնակություն են հաստատել Վանաձորում: Աղբյուրի փոխանցմամբ` Գոռի՝ զոհվելու պատճառ որպես ներկայացվել է զենքի հետ անզգույշ վարվելը.
«ԴԺԿ-ն ձեռքից ընկել է, կրակել, որքան գիտեմ այսպես են ասել ծնողներին»,-հայտնել է աղբյուրը:
Զոհված Գոռ Խուդինյանը ամուսնացած էր, ուներ երկու մանկահասակ երեխա:
