ԵՐԵՎԱՆ, 15 մայիսի — Sputnik. Մայիսի 14-ին և լույս 15-ի գիշերը արցախա-ադրբեջանական հակամարտ զորքերի շփման գծում հակառակորդը տարբեր տրամաչափի հրաձգային զինատեսակներից հրադադարի պահպանման ռեժիմը խախտել է մոտ 60 անգամ։
Այդ ընթացքում հայ դիրքապահների ուղղությամբ Ադրբեջանն արձակել է ավելի քան 1000 կրակոց, հայտնում է Արցախի պաշտպանության նախարարությունը:
ՊԲ առաջապահ զորամասերը շարունակում են լիակատար վերահսկողություն պահպանել առաջնագծում և վստահորեն իրականացնում մարտական հերթապահություն:
