23:43 18 նոյեմբերի 2017
Ուղիղ եթեր
Դադիվանք

Մարդիկ ուզում են տեսնել Արցախը. զբոսաշրջիկների թիվն ավելանում է

© Sputnik/ Arpi Beglaryan
Արցախ
Ստանալ կարճ հղումը
Զբոսաշրջիկները սիրում են Հայաստանը (59)
4510

Արցախ մեկնող զբոսաշրջիկների թիվը, նախորդ տարվա համեմատ, զգալի ավելացել է։

ԵՐԵՎԱՆ, 17 հուլիսի — Sputnik. 2017 թվականի առաջին եռամսյակի տվյալով` Արցախի Հանրապետության զբոսաշրջության բնագավառը աճ է գրանցել բոլոր ուղղություններով:

Արցախի արտաքին գործերի նախարարության տվյալով` 2017 թվականի հունվար —հունիս ամիսներին Արցախում գրանցվել է 26 տոկոս օտարերկրյա զբոսաշրջիկների քանակի աճ, 2015 թվականի նույն ժամանակահատվածի համեմատ (2016 թվականի համեմատ այն կազմել է 46%): Այս մասին հայտնում են Արցախի Հանրապետության էկոնոմիկայի նախարարության աշխատակազմի զբոսաշրջության վարչությունից։

Այցելությունների քանակն ավելացել է նաև հիմնական զբոսաշրջավայրերում. Տիգրանակերտի պետական արգելոց է այցելել ավելի քան 5000 այցելու՝ ինչը 62 տոկոսով շատ է 2015 թվականի նույն ժամանակահատվածի համեմատ:

Հաշվարկային գնահատականներով զբոսաշրջությունից ստացված եկամուտները կազմել են 1.7 միլիարդ ՀՀ դրամ (աճը կազմել է 35 տոկոս):

Հարկ է ընդգծել, որ վերոհիշյալ ժամանակահատվածում զբոսաշրջության բնագավառի զարգացմանն ուղղված ծրագրերի համար բացի պետական բյուջեի միջոցներից հաջողվել է ներգրավել նաև 25 միլիոն ՀՀ դրամ ներդրումներ միջազգային դոնորներից:

թեմա:
Զբոսաշրջիկները սիրում են Հայաստանը (59)

Գլխավոր թեմաներ