ԵՐԵՎԱՆ, 19 հուլիս — Sputnik. Արցախի խորհրդարանում կայացած հատուկ նիստի ընթացքում պատգամավորներն իրենց քվեն տվեցին գործող նախագահ Բակո Սահակյանին։ Այս մասին հայտում է Sputnik Արմենիայի թղթակիցը Ստեփանակերտից։
Փակ գաղտնի քվեարկության արդյունքներն ամփոփելուց հետո հայտարարվեց, թե թեկնածուներից ով որքան քվե է ստացել։
Նիստին 33 պատգամավորներից ներկա էին 32-ը, որոնցից 28–ը քվեարկեցին գործող նախագահ Բակո Սահակյանի, 4-ը` «Շարժում 88» խմբակցության ղեկավար Էդուարդ Աղաբեկյանի օգտին։
2017 թվականի սահմանադրության համաձայն` Արցախն անցում է կատարել կառավարման նախագահական ձևի, և այսուհետև երկիրը կղեկավարի նախագահը, որին 5 տարի ժամկետով կընտրի ժողովուրդը։ Նույն մարդը կարող է պաշտոնավորել ոչ ավելի, քան երկու անգամ անընդմեջ։
