ԵՐԵՎԱՆ, 3 սեպտեմբերի-Sputnik. Արցախում կայացած տոնական համերգին մասնակցել են տարբեր երաժշտական համույթներ, անհատ կատարողներ ինչպես Հայաստանից ու Արցախից, այնպես էլ արտերկրից:
Համերգին ամերիկացի երգիչ և կոմպոզիտոր Դանիել Դեքերը ներկայացրել է «Իմ Արցախ» երգի պրեմիերան, որը ջերմ ընդունելության է արժանացել:
Հիշեցնենք, որ օրեր առաջ Դանիել Դեքերը Հայաստանում պատասխանելով լրագրողների՝ ինչպիսի վերաբերմունք ունեք Ադրբեջանի «սև ցուցակի մասին» հարցին, ասել էր՝ «Եթե կա սև ցուցակ, պատիվ ունեմ այնտեղ գտնվելու»:
«Այն ժամանակից, երբ գրեցի «Ադանա» ստեղծագործությունը, արդեն համոզված էի, որ ցուցակը պատրաստ է ինձ համար։ Ես նորմալ եմ համարում դա, քանի որ կանգնած եմ ճշմարտության կողքին»,-ասել ր երաժիշտը:
Տեղեկացնենք, որ Արցախի Հանրապետության հռչակման 26-րդ տարեդարձին նվիրված համերգներ ու հրավառություն է եղել նաև Արցախի շրջկենտրոններում:
