ԵՐԵՎԱՆ, 30 նոյեմբերի — Sputnik. Հայաստանի և Ադրբեջանի արտգործնախարարներ Էդվարդ Նալբանդյանն ու Էլմար Մամեդյարովը Ղարաբաղյան հակամարտության հարցը քննարկելու համար կրկին կհանդիպեն դեկտեմբերի 6-ին։ Այս մասին հայտարարել է Ադրբեջանի արտգործնախարարը։ Հայաստանի ԱԳՆ դեռևս չի հաստատում այս տեղեկությունը։
«Երբ հստակ լինեն հանդիպման ժամկետները, մենք անպայման կհաղորդենք այդ մասին»,- SPutnik Արմենիային ասաց Բալայանը։
Նշենք, որ ըստ Մամեդյարովի հայտարարության` ԵԱՀԿ Մինսկի խմբի համանախագահների և ՀՀ արտգործնախարար Էդվարդ Նալբանդյանի հետ հանդիպումը ծրագրվում է դեկտեմբերի 6-ին։
«Հուսով եմ` այդ հանդիպումը նույնքան արդյունավետ կլինի, որքան մոսկովյան հանդիպումը»,- ասել է նա։
Ավելի վաղ տեղեկացրել էինք, որ Հայաստանի և Ադրբեջանի արտգործնախարարների հանդիպումը կկազմակերպվի Վիեննայում` ԵԱՀԿ ԱԳՆ ղեկավարների խորհրդի նիստի շրջանակում։
ՀՀ ԱԳՆ Էդվարդ Նալբանդյանի և Ադրբեջանի ԱԳՆ Էլմար Մամեդյարովի վերջին հանդիպումը տեղի է ունեցել հուլիսի 11-ին Բրյուսելում՝ ԵԱՀԿ Մինսկի խմբի համանախագահների նախաձեռնությամբ։
Դրանից հետո հանդիպել են երկու երկրների նախագահները, որը տեղի է ունեցել հոկտեմբերի 16-ին Շվեյցարիայի մշտական ներկայացուցչությունում։