21:13 17 հուլիսի 2018
Ուղիղ եթեր
  • USD480.37
  • GBP636.68
  • EUR563.47
  • RUB7.69
Սերգեյ Լավրով

Լավրովն ասել է` ինչ դեր ունի Ռուսաստանը ղարաբաղյան հակամարտության հարցում

© Sputnik / Валерий Мельников
Արցախ
Ստանալ կարճ հղումը
Ղարաբաղյան հակամարտություն (29)
84 0 0

Ռուսաստանը ղարաբաղյան հակամարտության հարցում կշարունակի աշխատել համանախագահների հավաքական մոտեցման շրջանակում։

ԵՐԵՎԱՆ, 8 դեկտեմբերի — Sputnik. Չնայած Ղարաբաղյան հակամարտության գործընթացի բարդությանը, Ռուսաստանը կշարունակի աշխատել կարգավորման ուղղությամբ, Վիեննայում ԵԱՀԿ ԱԳՆԽ-ին հաջորդած ասուլիսի ժամանակ հայտարարել է ՌԴ արտգործնախարար Սերգեյ Լավրովը։

Նրա խոսքով, հակամարտությունը լուծելու համար հարկավոր է հենվել ընդհանուր մոտեցումների վրա, որոնցից մեկն էլ հակամարտության կողմերի ուղիղ երկխոսություն է։

«Ցավոք, առայժմ լուրջ առաջընթաց չկա, բայց մեզ դրական է թվում այն փաստը, որ այս տարվա ընթացքում նախագահների և արտգործնախարարների մակարդակով երկխոսություն կայացավ»,- ասել է նա։

Նա նշել է, որ Ռուսաստանը կշարունակի աշխատել համանախագահների հավաքական մոտեցման շրջանակում, որը նրանք հաստատել են այս նստաշրջանի ժամանակ։

Ղարաբաղյան հարցը լուծելու համար Ռուսաստանը կշարունակի օգնել կողմերին

«Այն պարունակում է կարգավորման սկզբունքները, որոնք ընդունել են կողմերը, բայց դեռ չեն տեղափոխել պրակտիկ քայլերի դաշտ։ Հասարակ գործ չէ, բայց մենք կշարունակենք զբաղվել դրանով»,- ասել է Լավրովը։

Նա անդրադարձել է նաև ԵԱՀԿ գործող նախագահի անձնական ներկայացուցչի գրասենյակի դիտորդների թվի ավելացման հարցին։

«Այդ թեման քննարկվել է 2016 թվականին և՛ Հայաստանի ու Ադրբեջանի նախագահների` Վիեննայում կայացած հանդիպման ժամանակ, որին մասնակցում էին ԱՄՆ-ի, Ֆրանսիայի ու ՌԴ-ի նախարարները, և՛ պետերբուրգյան հանդիպման ժամանակ, որին արդեն նախագահ Պուտինն էլ էր մասնակցում։ Դրանից հետո պայմանավորվածությունը փոխանցվեց ԵԱՀԿ-ին։ ԵԱՀԿ հատուկ ներկայացուցիչը ջանում է համաձայնեցնել պարամետրերը»,- ասել է Լավրովը։

Հայաստանի ու Ադրբեջանի նախագահներ Սերժ Սարգսյանի և Իլհամ Ալիևի վերջին հանդիպումը կայացել է հոկտեմբերի 16-ին Ժնևում, ԵԱՀԿ Մինսկի խմբի համանախագահների նախաձեռնությամբ։ Համանախագահները հայտարարել են, որ Հայաստանի և Ադրբեջանի նախագահների հանդիպումն անցել է կառուցողական մթնոլորտում։

Ժնևում ԵԱՀԿ ՄԽ համանախագահները, Հայաստանի և Ադրբեջանի արտգործնախարարները վերջին տարիների ընթացքում առաջին անգամ համատեղ հայտարարություն ընդունեցին։ Նախագահները պայմանավորվեցին միջոցներ ձեռնարկել «լարվածությունն ավելի թուլացնելու համար»։ Հանդիպումից մի քանի օր անց առաջնագծում դիպուկահարի հարվածից Արցախի ՊԲ զինծառայող մահացավ։

թեմա:
Ղարաբաղյան հակամարտություն (29)

Գլխավոր թեմաներ