ԵՐԵՎԱՆ, 19 դեկտեմբերի — Sputnik. Արցախի Մարտունու շրջանի Աշան գյուղի տարածքում ճանապարհաշինարարական աշխատանքների ժամանակ պատահաբար հայտնաբերվել է դամբարան և մի քանի խեցանոթ:
Այս մասին Sputnik Արմենիային հայտնեց ԼՂ «Պատմական միջավայրի պահպանության պետական ծառայություն» ՊՈԱԿ-ի գիտական աշխատանքների գծով փոխտնօրեն, պատմական գիտությունների թեկնածու Նժդեհ Երանյանը:
«Շինարարական աշխատանքներն իրականացնող «Արցախ ուղի» ՓԲԸ-ն ժամանակին իրազեկել ու սրտացավ վերաբերմունք է ցուցաբերել»,–ասում է Երանյանը` հավելելով, որ պատասխանատու կառույցներին տեղեկացնելուց հետո «Պատմական միջավայրի պահպանության պետական ծառայության» հնագետը տեղում պեղումներ է իրականացրել։
Վավերացված քարարկղային դամբարանից հայտնաբերված գտածոները, Երանյանի խոսքով, թվագրվում են մ.թ.ա. 8-7-րդ դարերին։
