09:17 21 մայիսի 2018
Ուղիղ եթեր
Ճանաչողական այցով Արցախ են ժամանել օտարերկրյա լրագրողներ ու բլոգերներ

Եկ Արցախ. Ադրբեջանի սև ցուցակը կհամալրվի լրագրողների ու բլոգերների նոր անուններով

© Artsakhpress
Արցախ
Ստանալ կարճ հղումը
103 0 0

Ադրբեջանն իր սև ցուցակը նոր անուններով համալրելու հերթական առիթը կունենա։ Արտասահմանցի մի խումբ լրագրողներ ու բլոգերներ, արհամարհելով Ադրբեջանի սպառնալիքները, այցելել են Արցախ։

ԵՐԵՎԱՆ, 14 փետրվարի — Sputnik. Ճանաչողական այցով Արցախ են ժամանել օտարերկրյա լրագրողներ ու բլոգերներ։ «Արցախակերտում» հասարակական կազմակերպության հրավերով փետրվարի 10-13-ը Ռուսաստանից, Լատվիայից, Հունգարիայից, Ֆրանսիայից, Ալժիրից և Իտալիայից ժամանած լրագրողներն ու բլոգերները՝ հայ բլոգերների ուղեկցությամբ, այցելել են Արցախ: Այս մասին հայտնում է artsakhpress-ը։

Այցի շրջանակում նրանք ծանոթացել են Արցախի պատմությանը, մշակույթին և զարգացման ներուժին, մասնակցել ղարաբաղյան շարժման 30-ամյակին նվիրված տոնական միջոցառումներին։

Խմբի անդամները հանդիպել ու զրուցել են Հայ առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանի, ԱԺ նախագահ Աշոտ Ղուլյանի, արտգործնախարար Մասիս Մայիլյանի, Մարդու իրավունքների պաշտպան Ռուբեն Մելիքյանի հետ։

Ճանաչողական այցի շրջանակում արտասահմանցի լրագրողներն ու բլոգերներն այցելել են նաև առաջնագիծ, արտադրական մի շարք ձեռնարկություններ, Ստեփանակերտի «Թումո» ստեղծարար տեխնոլոգիաների կենտրոն, Արցախի տեսարժան վայրեր:

Գլխավոր թեմաներ