04:52 21 նոյեմբերի 2018
Ուղիղ եթեր
  • USD484.70
  • GBP622.16
  • EUR553.96
  • RUB7.38
Ճոպանուղի

Ստեփանակերտից Շուշի` ճոպանուղիով

© Sputnik / Karen Yepremyan
Արցախ
Ստանալ կարճ հղումը
34130

Ստեփանակերտից Շուշի առաջիկայում հնարավոր կլինի հասնել ճոպանուղիով։ Նախագիծը պատրաստ է, շինարարության գումարը` բարեգործական միջոցներով։

ԵՐԵՎԱՆ, 16 մայիսի — Sputnik. Արցախի մայրաքաղաք Ստեփանակերտից մինչև Շուշի կկառուցվի ճոպանուղի։ Այս մասին այսօր, «Արցախպրեսի» փոխանցմամբ, Արցախի խորհրդարանում հայտնել է ԱՀ պետական նախարար Արայիկ Հարությունյանը` 2017 թվականի պետբյուջեի կատարման հաշվետվության քննարկման ժամանակ։

Նրա խոսքով, ճոպանուղին ծառայելու է ոչ միայն որպես Ստեփանակերտ-Շուշի տրանսպորտային միջոց, այլև զբոսաշրջության խթան է հանդիսանալու։

«Շուշիում նախատեսում ենք նաև ունենալ ժամանակակից հանգստի գոտի, որտեղ լինելու է երեխաների համար ատրակցիոնների հարուստ ձևավորում: Զբոսաշրջության համար մեծ աշխատանք է տարվում ենթակառուցվածքների սպասարկման ոլորտը տեղանքին հարմարեցնելու ուղղությամբ, ինչը բերելու է փոքր և միջին ձեռնարկատիրության զարգացմանը: Ծրագրի արդյունքում ակնկալվում է, որ ավելանալու է Արցախ այցելող զբոսաշրջիկների թիվը և նրանց մնալու օրերի քանակը»,- ասել է Հարությունյանը:

Ստեփանակերտ-Շուշի ճոպանուղու նախագծային աշխատանքներն այս պահին ավարտման փուլում են։ Իսկ շինարարական աշխատանքները նախատեսվում է սկսել առաջիկայում՝ բարեգործական միջոցներով:

Գլխավոր թեմաներ