00:50 21 օգոստոսի 2018
Ուղիղ եթեր
  • USD483.10
  • GBP615.42
  • EUR551.12
  • RUB7.20
Լեռնային Ղարաբաղ

Արցախյան հարցում առաջընթացն այսօր անհնար է. ՀՀ ԱԳՆ

© Sputnik / Илья Питалев
Արցախ
Ստանալ կարճ հղումը
114 0 0

Ցանկացած բանակցությունների առանցքային գործոնը վստահությունն է, բայց Ադրբեջանը չի կատարում ստանձնած միջազգային պարտավորությունները, նշում են ՀՀ ԱԳՆ–ում։

ԵՐԵՎԱՆ, 17 մայիսի — Sputnik. Ադրբեջանը միջազգային պարտավորություններ է ստանձնել, որոնք պարտավոր է կատարել, լրագրողներին ասաց ՀՀ փոխարտգործնախարար Շավարշ Քոչարյանը: Դիվանագետի այս հայտարարությունը վերաբերում է ղարաբաղյան հակամարտության գոտում վերահսկման մեխանիզմների ստեղծմանը։

«1995 թվականի եռակողմ համաձայնագրում կա հետաքննության մեխանիզմների ստեղծման դրույթը», — ասաց Շավարշ Քոչարյանը։

Այդ պայմանագիրն անժամկետ է և համարվում է Ադրբեջանի միջազգային պարտավորությունը, որը նա այսօր չի կատարում:

«Այս է պատճառը, որ բանակցություններում առաջընթաց արձանագրելն անհնար է»,- նշեց Քոչարյանը։

Պատասխանելով հարցին, թե ինչու է Ադրբեջանն այսօր խոսում ինտենսիվ բանակցությունների մասին, ՀՀ ԱԳ փոխնախարարն ասաց. «Ադրբեջանն ուզում է շեշտադրումը վստահության միջոցների ստեղծումից շեղել»:

Քոչարյանը հիշեցրեց, որ վստահությունը ցանկացած բանակցությունների առանցքային գործոնն է, որի բացակայությունն անիմաստ է դարձնում բուն բանակցությունները։

Գլխավոր թեմաներ