09:01 20 հուլիսի 2018
Ուղիղ եթեր
  • USD480.60
  • GBP624.64
  • EUR557.74
  • RUB7.57
Շավարշ Քոչարյան

Ո՞վ է մեղավոր, որ բանակցային գործընթացում առաջընթաց չկա. պարզաբանում է Քոչարյանը

© Sputnik / Asatur Yesayants
Արցախ
Ստանալ կարճ հղումը
100 0 0

Հայաստանում արտգործնախարարների հանդիպման հետ մեծ հույսեր չեն կապում։

ԵՐԵՎԱՆ, 11 հուլիսի — Sputnik. Բրյուսելում ՀՀ և Ադրբեջանի արտգործնախարարների հանդիպումից որևէ առաջընթաց սպասելն անիմաստ է։ ՀՀ փոխարտգործնախարար Շավարշ Քոչարյանը նման կարծիք է հայտնում` դատելով Բաքվից հնչող հայտարարություններից։

«Բայց ամեն դեպքում մեզ համար կարևոր են այդ հանդիպումները, որովհետև շատ կարևոր է, որ կայունության պահպանման հարթությունում մենք կարողանանք առաջ շարժվել»,- այսօր լրագրողներին ասաց Քոչարյանը։

Ինչ վերաբերում է Արցախը բանակցային սեղան վերադարձնելուն, այս հարցում Բաքվի դիմադրությունը, փոխարտգործնախարարի խոսքով, ինքնին վկայում է, որ առաջընթաց չի ցանկանում։

«Հայտնի է, որ երբ Բաքուն որևէ առաջընթաց է ցանկանում, ինքն անմիջապես բանակցում է Ստեփանակերտի հետ։ Դրա վկայությունն է 1994թ-ի համաձայնագիրը։ Հետևաբար, խնդիրը շատ հստակ է` քանի Բաքուն չի ցանկանում, որ Արցախը` որպես լիարժեք բանակցային կողմ, ներգրավվի բանակցություններում, նշանակում է` չի ցանկանում առաջընթաց»,- ասաց Քոչարյանը։

Նա նաև հիշեցրեց, որ ԵԱՀԿ Մինսկի խումբը չունի պարտադրելու մանդատ, հետևաբար ՄԽ-ն չի կարող պարտադրել Ադրբեջանին Արցախն ընդունել որպես բանակցային լիիրավ կողմ։

«Եթե բանակցային գործընթացում չկա առաջընթաց, մեղավորը համանախագահները չեն։ Ակնհայտ է` մեղավորն Ադրբեջանն է»,- ասաց փոխնախարարը։

Շավարշ Քոչարյանը շեշտեց նաև, որ բանակցություններում հայկական կողմը ստիպված է գործ ունենալ մի սուբյեկտի հետ, որը չի կատարում անգամ իր իսկ ստանձնած պարտավորությունները։ 1994թ-ից ի վեր Ադրբեջանը խախտում է ռազմական գործողությունների դադարեցման և զինադադարի ռեժիմ հաստատելու համաձայնագիրը։ Դրա ամենավառ վկայությունը 2016թ-ի ապրիլյան պատերազմն է։ 1995թ-ին Արցախ- Հայաստան- Ադրբեջան եռակողմ պայմանագրով Ադրբեջանը պարտավորվել էր հետաքննության մեխանիզմ ներդնել։ Քոչարյանը փաստում է` անցել է 23 տարի, համաձայնագիրը մնացել է թղթի վրա։

Սա, ըստ Քոչարյանի, նշանակում է, որ ինչ համաձայնագիր էլ կնքվի, դեռ չի նշանակում, որ Ադրբեջանը կատարելու է այն։ Այս տեսակետից Բրյուսելում նախատեսված արտգործնախարարների հանդիպումից մեծ ակնկալիքներ Հայաստանի արտաքին գերատեսչությունում չունեն։

Քոչարյանը չբացառեց, որ արտգործնախարարների հանդիպման արդյունքում հնարավոր է երկու երկրների ղեկավարների հանդիպման պայմանավորվածություն ձեռք բերվել։ Բայց այս պահին դա միայն ենթադրություն է։

Հիշեցնենք` ԵԱՀԿ Մինսկի խմբի համանախագահների նախաձեռնությամբ հուլիսի 11-ին Բրյուսելում կկայանա Հայաստանի ԱԳ նախարար Զոհրաբ Մնացականյանի և Ադրբեջանի ԱԳ նախարար Էլմար Մամեդյարովի հանդիպումը։

Ըստ թեմայի

«Ադրբեջանը հաղթել է իշխանության պահպանման հարցում». Ալիևի չփոխվող «երգացանկը»
Բալայան. «Ալիևի հայտարարությունը շատ համեստ է ադրբեջանական ֆանտաստիկայի ֆոնին»
Ադրբեջանը հեշտացում է Հայաստանի գործը բանակցային գործընթացում. քաղաքագետ

Գլխավոր թեմաներ

  • ՀՀ ԶՈւ զինծառայողներ

    Ադրբեջանական լրատվամիջոցները շարունակում են պնդել, որ գերի ընկած Հայաստանի քաղաքացի Կարեն Ղազարյանը դիվերսանտ է։ Համացանցում հայտնվել են լուսանկարներ, որոնք իբր ապացուցում են այդ փաստը։ Հայաստանի պաշտպանության նախարարությունը բացահայտել է ֆեյքը, իսկ Sputnik Արմենիային հաջողվել է շփվել լուսանկարում պատկերված մարդու հետ։

    612
  • Նիկոլ Փաշինյանը Դոնալդ Տուսկի հետ. Բրյուսել 12 հուլիսի 2018 թ.

    «Թավշյա» հեղափոխության անարյուն լինելը և բռնի ուժի բացակայությունը հիացմունքի արժանացավ թե ՛ Եվրոպայում, թե՛ ԱՄՆ–ում. բայց և այնպես՝ արևմուտքից ոչ ոք չի շտապում Հայաստանը ողողել նյութական օգնությամբ և գործարար ներդրումներով։ Դա պարզ է դարձել Փաշինյանի` Բրյուսել կատարած ուղևորությունից հետո, և դա հաստատել է Հայաստանում ԱՄՆ դեսպան Միլսը։

    192
  • Ռուբեն Հայրապետյան. ՀՖՖ նախագահ

    Մենք այժմ ֆուտբոլում ականատես ենք լինում բրոունյան շարժման։ Խառնաշփոթ ակումբներում, հակասություններ ֆեդերացիայի նախագահ Ռուբեն Հայրապետյանի վարքում. կանխատեսում են, որ նրա տեղը կզբաղեցնի Ազգային անվտանգության ծառայության տնօրենը, նա համաձայնում է, բայց ասում՝ կարող է պաշտոնը զիջել Յուրի Ջորկաեֆին։ Փորձենք հասկանալ։

    322