09:05 20 հուլիսի 2018
Ուղիղ եթեր
  • USD480.60
  • GBP624.64
  • EUR557.74
  • RUB7.57
Հայ զինծառայողներ

Լաքոտը խոսել է բանակցային գործընթացում Արցախի մասնակցության մասին

© Photo: official site of the MoD of RA
Արցախ
Ստանալ կարճ հղումը
14320

Փարիզը կողմ է, որ ղարաբաղյան բանակցություններում առաջընթաց լինի և ողջունում է բոլոր այն նախաձեռնությունները, որոնք հավանության կարժանացնեն կողմերը։

ԵՐԵՎԱՆ, 12 հուլիսի — Sputnik. Բոլոր կողմերը պետք է ընդհանուր հայտարարի գան ղարաբաղյան բանակցությունների ձևաչափի հարցում, այսօր մամուլի ասուլիսի ժամանակ ասաց Հայաստանում Ֆրանսիայի արտակարգ և լիազոր դեսպան Ժոնաթան Լաքոտը` մեկնաբանելով Ստեփանակերտի մասնակցության հարցը։

Ավելի վաղ վարչապետ Նիկոլ Փաշինյանը հայտնել էր, որ ի տարբերություն Հայաստանի նախորդ առաջնորդների` Ռոբերտ Քոչարյանի և Սերժ Սարգսյանի, ինքը բանակցություններ չի վարելու Արցախի անունից։ Կառավարության ղեկավարը համոզված է, որ Ստեփանակերտը պետք է անմիջական մասնակցություն ունենա խաղաղ գործընթացում։

«Ֆրանսիան ողջունում է ցանկացած նախաձեռնություն, որը թույլ կտա բանակցային գործընթացում առաջընթաց գրանցել, բայց բանակցային գործընթացին մի շարք կողմեր են մասնակցում։ Անհրաժեշտ է, որ բոլոր կողմերն ընդհանուր հայտարարի գան բանակցությունների ձևաչափի հարցում», — ասաց Լակոտը։

Նրա խոսքով` համանախագահները հունիսին Հայաստան այցելեցին նոր իշխանությունների դիրքորոշման հետ ծանոթանալու համար։ Դա թույլ տվեց կազմակերպել Հայաստանի և Ադրբեջանի արտգործնախարարների հանդիպումը։

Լաքոտը կարծում է, որ կարևորը բանակցային գործընթացը շարունակելն է։

Ավելի վաղ Ռուսաստանի (ՄԽ համանախագահ) արտգործնախարար Սերգեյ Լավրովը, մեկնաբանելով Փաշինյանի հայտարարությունը, նշել էր` Մոսկվան կհարգի Ղարաբաղի մասնակցության հետ կապված ցանկացած որոշում, որ կընդունեն Երևանն ու Բաքուն։

Ըստ թեմայի

Ֆրանսիան չի մատակարարի զենք, որը կարող է կիրառվել Արցախում. դեսպան
Ուժեղի զսպվածություն. արդյո՞ք Արցախի շուրջ բանակցություններում նոր փուլ է մեկնարկում
Արցախի հիմնահարցի լուծման ռազմական ճանապարհը ողբերգական է լինելու բոլորի համար. Սարգսյան
Արցախը բանակցային հիմնական կողմ է, որովհետև իրենց կյանքի մասին է խոսքը. նախարար

Գլխավոր թեմաներ

  • ՀՀ ԶՈւ զինծառայողներ

    Ադրբեջանական լրատվամիջոցները շարունակում են պնդել, որ գերի ընկած Հայաստանի քաղաքացի Կարեն Ղազարյանը դիվերսանտ է։ Համացանցում հայտնվել են լուսանկարներ, որոնք իբր ապացուցում են այդ փաստը։ Հայաստանի պաշտպանության նախարարությունը բացահայտել է ֆեյքը, իսկ Sputnik Արմենիային հաջողվել է շփվել լուսանկարում պատկերված մարդու հետ։

    619
  • Նիկոլ Փաշինյանը Դոնալդ Տուսկի հետ. Բրյուսել 12 հուլիսի 2018 թ.

    «Թավշյա» հեղափոխության անարյուն լինելը և բռնի ուժի բացակայությունը հիացմունքի արժանացավ թե ՛ Եվրոպայում, թե՛ ԱՄՆ–ում. բայց և այնպես՝ արևմուտքից ոչ ոք չի շտապում Հայաստանը ողողել նյութական օգնությամբ և գործարար ներդրումներով։ Դա պարզ է դարձել Փաշինյանի` Բրյուսել կատարած ուղևորությունից հետո, և դա հաստատել է Հայաստանում ԱՄՆ դեսպան Միլսը։

    193
  • Ռուբեն Հայրապետյան. ՀՖՖ նախագահ

    Մենք այժմ ֆուտբոլում ականատես ենք լինում բրոունյան շարժման։ Խառնաշփոթ ակումբներում, հակասություններ ֆեդերացիայի նախագահ Ռուբեն Հայրապետյանի վարքում. կանխատեսում են, որ նրա տեղը կզբաղեցնի Ազգային անվտանգության ծառայության տնօրենը, նա համաձայնում է, բայց ասում՝ կարող է պաշտոնը զիջել Յուրի Ջորկաեֆին։ Փորձենք հասկանալ։

    327