08:44 20 հուլիսի 2019
Ուղիղ եթեր
  • USD476.48
  • GBP596.79
  • EUR535.52
  • RUB7.56
Զինվորականներ

Քանի կրակոց է հնչել Արցախի սահմանին 365 օրվա ընթացքում. Արցախի ՊՆ–ն ամփոփում է տարին

© Sputnik / Asatur Yesayants
Արցախ
Ստանալ կարճ հղումը
50 0 0

Տարվա ընթացքում Ադրբեջանը միայն մեկ անգամ է փորձել դիվերսիա կազմկակերպել և հետ է շպրտվել։

ԵՐԵՎԱՆ, 31 դեկտեմբերի – Sputnik. 2018 թվականին արցախա-ադրբեջանական հակամարտ զորքերի շփման գծում տիրող իրադրությունը պայմանականորեն կարելի է համարել հարաբերական կայուն: Այս մասին նշված է Արցախի պաշտպանության նախարարության տարածած հաղորդագրությունում։

«Անցնող տարվա ընթացքում կատարված հսկայածավալ ինժեներաամրաշիանական և առաջնագիծը տեսադիտարկման համակարգերով կահավորման աշխատանքների արդյունքում գրեթե իսպառ վերացել է հակառակորդի կողմից դիվերսիոն ներթափանցման փորձերի հավանականությունը: Բացառությամբ հունվարի 25-ի դեպքի, երբ ՊԲ հարավարևելյան (Կուրոպատկինո) ուղղությամբ տեղակայված դիրքերից մեկի պաշտպանական հատվածում ՊԲ առաջապահ ստորաբաժանումների կողմից հավաստանշվել է ադրբեջանական հետախուզադիվերսիոն ներթափանցման փորձ և հետ շպրտվել, տարվա ընթացքում հակառակորդը նմանատիպ քայլեր չի ձեռնարկել»,– նշում է ՊՆ–ն:

Առաջնագծում տիրող հարաբերական հանգիստ իրադրությունն էլ ավելի է կայունացել Տաջիկստանի մայրաքաղաք Դուշանբեում սեպտեմբերի 28-ին ԱՊՀ պետությունների ղեկավարների խորհրդի նիստին ՀՀ վարչապետ Նիկոլ Փաշինյանի և ԱՀ նախագահ Իլհամ Ալիևի միջև տեղի ունեցած հանդիպման արդյունքում, երբ կողմերի միջև ձեռք է բերվել սահմանային գոտում լարումն իջեցնելու և օպերատիվ կապ հաստատելու մասին պայմանավորվածություն: Այսպես՝ եթե մարտից մինչև օգոստոս ընկած ամիսներին ադրբեջանական զինուժը շփման գոտում հրադադարի պահպանման ռեժիմը, բացի հրաձգային զինատեսակներից, խախտում էր նաև տարբեր տիպի նռնականետներից, ապա դրանից հետո ընկած ժամանակահատվածում կիրառում էր միայն բացառապես հրաձգային զինատեսակներ:

Ընդհանուր առմամբ, ըստ ՊԲ օպերատիվ տվյալների ամփոփագրի, 2018 թվականին արցախա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 10.000 անգամ, որի ընթացքում հայ դիրքապահների ուղղությամբ արձակվել է ավելի քան 97.000 կրակոց` հրաձգային զինատեսակներից բացի կիրառելով նաև տարբեր տիպի նռնականետներ (25 արկ):

2018թ. ընթացքում ՊԲ առաջապահ զորամասերը վստահորեն իրականացրել են իրադրության վերահսկողությունը սահմանի ողջ երկայնքով՝ պատվով կատարելով Արցախի Հանրապետության սահմանների անձեռնմխելիության ու բնակչության խաղաղ կենսագործունեության ապահովման իրենց առաքելությունը:

թեգերը:
Ադրբեջան, Արցախ

Գլխավոր թեմաներ