22:23 26 մայիսի 2019
Ուղիղ եթեր
  • USD480.03
  • GBP609.35
  • EUR537.15
  • RUB7.44
Դիրքեր

Արցախում պատերազմի սպառնալիքը դիվանագիտական հանդիպումները չեն չեղարկում. Մարգարով

© Photo: official site of the MoD of RA
Արցախ
Ստանալ կարճ հղումը
Ղարաբաղյան հակամարտություն (239)
182 0 0

Քաղաքագետը աննախադեպ է համարում Ստեփանակերտում վերջերս կայացած Հայաստանի և Արցախի անվտանգության խորհուրդների նիստը։

ԵՐԵՎԱՆ, 15 մարտի — Sputnik. Արցախյան հակամարտության կարգավորման հարցով ներկայացված սկզբունքները կոնկրետացման կարիք ունեն։ Այս մասին այսօր հրավիրված մամուլի ասուլիսի ժամանակ ասաց քաղաքագետ Ալեքսանդր Մարգարովը։

Նրա համոզմամբ` բանակցությունների սեղանին գտնվող կարգավորման կետերը տարընթերցումների առիթ են տալիս։ Եվ հակամարտող կողմերից յուրաքանչյուրը փորձում է այն մեկնաբանել յուրովի։ Փորձագետը կարծում է, որ հիմա ժամանակն է պարզելու և հստակեցնելու այդ սկզբունքները, եթե ուզում ենք կոնկրետ արդյունք ստանալ։

Ավելի վաղ Արցախի ԱԳՆ ղեկավար Մասիս Մաիլյանը ԵԱՀԿ գործող ղեկավար Միրոսլավ Լայչակի հետ Երևանում տեղի ունեցած հանդիպումից հետո հայտարարել էր, որ ժամանակն է հրաժարվել հնացած սկզբունքներից։ Դատելով սրանից` Մարգարովը կարծում է, որ կարգավորման շուրջ առաջիկա քննարկումներն ուղղված կլինեն այս խնդրի լուծմանը։

Ստեփանակերտում վերջերս տեղի ունեցած Արցախի և Հայաստանի ԱԽ նիստը փորձագետն աննախադեպ է որակում` թե իր ձևով և թե իր բովանդակությամբ։ Նրա խոսքով` այդ նիստը վկայում է Երևանի և Ստեփանակերտի միջև առկա ճիշտ համագործակցության և համակարգման մասին։

Անկախ դիվանագիտական ակտիվ պրոցեսներից, արցախյան հակամարտության գոտում մարտական գործողությունների վերսկսման հավանականություն նախկինի նման առկա է։ Այս մասին են վկայում նաև ադրբեջանական կողմի` շփման գծում սեփական ենթակառուցվածքները, ինժեներական շինությունների ամրապնդելու ակտիվ փորձերը։

Քաղաքագետը կարծում է, որ Ադրբեջանը մտադիր չէ իրեն ներկայացնել որպես հակամարտության կողմ, որը հանդես է գալիս բացառապես խաղաղ կարգավորման օգտին։ Բայց, ամեն դեպքում, կան նաև զսպող գործոններ։

«Բացի մարտական գործողությունների անթույլատրելիության մասին միջազգային հանրության հստակ դիրքորոշման, Ադրբեջանի ռազմամոլ ձգտումները զսպում է նաև հայկական բանակի մարտական պատրաստվածության բարձր մակարդակը», – ասաց քաղաքագետը։

Հայաստանի և Ադրբեջանի առաջնորդների առաջիկա հանդիպմանը, որի կազմակերպման համար այժմ ակտիվ նախապատրաստություն է գնում, Բաքուն պնդելու է Արցախին լայն ինքնավարություն տրամադրելու մասին թեզիսը։ Սակայն իրականում, ըստ Մարգարովի, Ադրբեջանն կցանկանար ստանալ Արցախի տարածքն առանց դրա բնակչության։ Հայկական կողմն իր հերթին բարձրացնելու է բանակցությունների ձևաչափը փոխելու և դրանցում Ստեփանակերտի ներկայացուցիչների անմիջական մասնակցության հարցը։

թեմա:
Ղարաբաղյան հակամարտություն (239)

Ըստ թեմայի

Երկար հարց, կարճ պատասխան. Ղարաբաղյան հարցում Ռուսաստանի դիրքորոշումը չի փոխվել
Որոնք են ղարաբաղյան կարգավորման կենսական նշանակություն ունեցող կետերը. հիշեցրել է ՀՀ ԱԳՆ–ն
Ղարաբաղյան բանակցությունների ձևաչափը պետք է բոլոր կողմերի համար ընդունելի լինի. Լայչակ
թեգերը:
Իլհամ Ալիև, Նիկոլ Փաշինյան, Ադրբեջան, ԵԱՀԿ Մինսկի Խումբ, Հայաստան, Արցախ

Գլխավոր թեմաներ