11:45 23 մարտի 2019
Ուղիղ եթեր
  • USD485.86
  • GBP636.57
  • EUR549.22
  • RUB7.58
Զոհրաբ Մնացականյան

Ստեփանակերտը ղարաբաղյան կարգավորման հարցում կարող է ունենալ իր տեսակետը. Մնացականյան

© Sputnik / Asatur Yesayants.
Արցախ
Ստանալ կարճ հղումը
Ղարաբաղյան հակամարտություն (174)
82 0 0

ՀՀ արտգործնախարար Զոհրաբ Մնացականյանը կարծում է, որ անվտանգության խորհուրդների համատեղ նիստի անցկացումը Երևանին իրավունք չի տալիս Ստեփանակերտի անունից խոսել։

ԵՐԵՎԱՆ, 15 մարտի – Sputnik. Երևանն ու Ստեփանակերտը ղարաբաղյան հակամարտության կարգավորման որոշ մոտեցումների են քննարկում։ Այս մասին այսօր ԱԺ–ում լրագրողներին ասաց Հայաստանի արտգործնախարար Զոհրաբ Մնացականյանը` մեկնաբանելով Արցախի արտգործնախարար Մասիսի Մայիլյանի դիրքորոշումը։

Ավելի վաղ Արցախի արտգործնախարար Մասիս Մայիլյանը Երևանում ԵԱՀԿ գործող նախագահ Միրոսլավ Լայչակի հետ հանդիպման ժամանակ ասել էր, որ ժամանակն է ղարաբաղյան կարգավորման շրջանակում հրաժարվել հնացած սկզբունքներից։

«Մամիս Մայիսլյանն արտահայտվել է որպես Արցախի արտգործնախարար։ Մենք մշտապես աշխատվում ենք Արցախի իշխանության հետ։ Կարծիքներ, մոտեցումներ, դիրքորոշումներ ենք փոխանակում», –պարզաբանեց Մնացականյանը։

Նա ընդգծեց, որ Հայաստանը չի հրաժարվում իր դերից բանակցային գործընթացում ու շարունակում է մնալ Արցախի անվտանգության միակ երաշխիքը։

«Մենք կարող ենք մոտեցումներ ունենալ, որոնք մեր արցախցի գործընկերների հետ կարող են քննարկումների ու բանակցությունների առարկա դառնան։ Դա լրիվ նորմալ երևույթ է», – ասաց ՀՀ արտգործնախարարը։

Նա նշեց, որ Արցախում կա ինստիտուցիոնալ սխեմա, որը կոչված է արտահայտել ժողովրդի կամքը։

«Նրանք (Արցախը – խմբ.) արտահայտում են իրենց ընտրողների կամքը։ Այդ մարդիկ Հայաստանի վարչապետին չեն ընտրել, – ասաց Մնացականյանը։

Նախախարն ավելացրեց, որ Անվտանգության խորհրդների համատեղ նիստի անցկացումը Երևանին իրավունք չի տալիս խոսել Ստեփանակերտի անունից։ Արցախի իշխանության հետ համագործակցության տարբեր ձևաչափեր կան, ու դրանք կօգտագործվեն։

Հիշեցնենք` մարտի 12–ին Ստեփանակերտում կայացել է Հայաստանի և Արցախի անվտանգության խորհուրդների համատեղ նիստը` ՀՀ վարչապետ Նիկոլ Փաշինյանի և Արցախի նախագահ Բակո Սահակյանի նախագահությամբ։ Օրակարգի հիմնական թեման եղել է բանակցային գործընթացի ներկա իրավիճակը գնահատելը, ինչպես նաև համակարգված գործողությունների պլան մշակելը։

թեմա:
Ղարաբաղյան հակամարտություն (174)

Ըստ թեմայի

Չի կարելի հավատալ Փաշինյանի հայտարարություններին. Քոչարյանը` Ղարաբաղյան խնդրի մասին
Մադրիդյան սկզբունքներն ուժի մեջ են մնո՞ւմ. ՀՀ արտգործնախարարի մեկնաբանությունը
Բոզոյան․«Բանակցությունները որևէ այլ հարթակ տեղափոխելը Հայաստանի համար վտանգավոր է»
թեգերը:
Զոհրաբ Մնացականյան, Բակո Սահակյան, Արցախ, Հայաստան, Ադրբեջան

Գլխավոր թեմաներ