20:51 26 ապրիլի 2019
Ուղիղ եթեր
  • USD481.33
  • GBP621.06
  • EUR536.06
  • RUB7.43
Դիպուկահար

Տեղեկատվական պատերազմը շատ արագ կարող է տեղափոխվել սահմանագիծ. Աբրահամյան

© Photo : press office of the MoD of RA
Արցախ
Ստանալ կարճ հղումը
Ղարաբաղյան հակամարտություն (218)
129 0 0

Ադրբեջանից վերջին օրերին հնչող ռազմատենչ հայտարարությունները ռազմական գործողությունների կամ դրա սպառնալիքով ճնշումների տեղեկատվական նախապատրաստության փուլ է:

ԵՐԵՎԱՆ, 9 ապրիլի — Sputnik. Արցախի նախագահի խորհրդական Տիգրան Աբրահամյանին անհանգստացրել են ոչ միայն Ադրբեջանից վերջին օրերին հնչող ռազմատենչ հայտարարությունները, այլ նաև ԵԱՀԿ ՄԽ համանախագահների լռությունը։ Նա իր մտահոգությունն արտահայտել է Facebook–ի իր էջում։

«Վերջին 10 օրերի ընթացքում Ադրբեջանից հնչող հայտարարությունները սկսել են առավել սուր բնույթ կրել: Ռազմական գործողությունների մասին ակնարկային հայտարարությունները վերաճել են գործողություններ սկսելու կամ դրա նախապատրաստական փուլի մասին սպառնալիքների:

Պաշտոնական հայտարարություններ նախագահական ապարատից, արտգործնախարարությունից, պաշտպանական գերատեսչությունից, հին ու նոր թրծված «փորձագիտական» շրջանակներից, ամենակարևորը՝ հնարավոր պատերազմի վերսկսման մասին վերնագրերով:

«Առաջիկա շաբաթներին Ղարաբաղում նոր պատերազմ է սկսելու», «Ղարաբաղում հնարավոր է նոր պատերազմ», «Առաջիկա ժամանակներում Ղարաբաղում հնարավոր է նոր պատերազմ». սա վերնագրերի այն ոչ ամբողջական ցանկն է, որոնց վերջին օրերին կարելի է հանդիպել ադրբեջանական մամուլում»,–գրել է Աբրահամյանը:

Նրա դիտարկմամբ` սա Ադրբեջանում ռազմական գործողությունների կամ դրա սպառնալիքով ճնշումների տեղեկատվական նախապատրաստության փուլ է:

Արցախի նախագահի խորհրդականը նկատում է, որ ժողովուրդներին խաղաղության նախապատրաստելու մասին միջնորդ երկրների հայտարարություններն Ադրբեջանում, կարծես թե, այդքան էլ լուրջ չեն ընդունել, ճիշտ հակառակ գործընթացի են անցել:

«Համանախագահ երկրներն իրավիճակի լիցքաթափմանն ուղղված քայլեր պետք է ձեռնարկեն, հակառակ դեպքում տեղեկատվական դաշտում առկա լարվածությունը շատ արագ կտեղափոխվի սահմանագիծ»,–նշում է Տիգրան Աբրահամյանը։

Հիշեցնենք, որ ապրիլի 7–ին Ադրբեջանի պաշտպանության նախարար Զաքիր Հասանովը երկրի զինված ուժերին կարգադրել է պատրաստ լինել ռազմական գործողությունների։ Նա նշել էր,  որ պետք է ավելի հաճախակիացնել ուսումնավարժական զորախաղերը, որոնք իրականացվում են ըստ ռազմական գործողությունների պլանի, հատկապես գիշերային գործողությունների պլանի։

Ադրբեջանի առաջին փոխնախագահ, Հեյդար Ալիևի Հիմնադրամի նախագահ Մեհրիբան Ալիևան էլ օրեր առաջ հայտարարել էր, որ ադրբեջանական դրոշը կծածանվի Ղարաբաղի յուրաքանչյուր գյուղում և քաղաքում:

թեմա:
Ղարաբաղյան հակամարտություն (218)

Ըստ թեմայի

«Իրականում». Կա՞ ընդհանրություն Գոլանի բարձունքների խնդրի ու Արցախյան հիմնախնդրի միջև
Ուզո՞ւմ ես անվճար գիշերել ավտոբուս-հոսթելում, բողոքիր Google-ին. արցախյան նոր տուրիզմը
Փաշինյանը Բրյուսելում պատմել է տարածաշրջանի վրա արցախյան հակամարտության ազդեցության մասին
թեգերը:
Արցախ, Հայաստան, ԵԱՀԿ Մինսկի Խումբ, Իլհամ Ալիև, Ադրբեջան

Գլխավոր թեմաներ