ԵՐԵՎԱՆ, 18 ապրիլի — Sputnik. Ռուսաստանի արտգործնախարար Սերգեյ Լավրովն ու ԵԱՀԿ գլխավոր քարտուղար Թոմաս Գրեմինգերը կքննարկեն ղարաբաղյան կարգավորմանը վերաբերող հարցեր։ Այս մասին ամեն շաբաթ անցկացվող ճեպազրույցի ժամանակ հայտնեց Ռուսաստանի ԱԳՆ պաշտոնական ներկայացուցիչ Մարիա Զախարովան։
«Ապրիլի 24-ին նախատեսվում է Սերգեյ Լավրովի և Եվրոպայում Անվտանգության և Համագործակցության Կազմակերպության գլխավոր քարտուղար Թոմաս Գրեմինգերի հանդիպումը», – նշել է Զախարովան։
Ապրիլի վերջին Գրեմինգերը Ռուսաստանի մայրաքաղաքում կլինի` մասնակցելու Միջազգային անվտանգության VIII մոսկովյան գիտաժողովին։
Արցախյան հակամարտությունից բացի, կողմերը կքննարկեն նաև միջազգային քաղաքականության այլ հարցեր։ Մասնավորապես, եվրոպական անվտանգությանը վերաբերող հարցերի լայն շրջանակ, կարգավորումը Մերձդնեստրում, Բալկաններում և Կենտրոնական Ասիայում։
