18:46 19 հունիսի 2019
Ուղիղ եթեր
  • USD478.04
  • GBP601.18
  • EUR535.55
  • RUB7.47
Նիկոլ Փաշինյանի հանդիպումը Վլադիմիր Պուտինի հետ

Շիտակ, առանց դավերի. Փաշինյանը Զելենսկուն խորհուրդ է տվել` ինչպես շփվել Պուտինի հետ

© Sputnik / Сергей Гунеев
Արցախ
Ստանալ կարճ հղումը
Հայաստան-Ռուսաստան համագործակցություն (119)
219 0 0

Հայաստանի վարչապետ Նիկոլ Փաշինյանը ասել է, թե ինչպես է կառուցում հարաբերությունները Ռուսաստանի նախագահի հետ։ Նա խորհուրդ է տվել ուկրաինացի գործընկերոջը լինել ազնիվ և շիտակ։

ԵՐԵՎԱՆ, 23 ապրիլի — Sputnik. Ռուսաստանի նախագահ Վլադիմիր Պուտինի հետ պետք է հարաբերություններ կառուցել պարզ ու ազնիվ ձևով։ Այս մասին ՌԲԿ հեռուստաալիքին տված հարցազրույցում ասել է ՀՀ վարչապետ Նիկոլ Փաշինյանը` պատասխանելով հարցին, թե ինչպես պետք է Ուկրաինայի նախագահական ընտրություններում հաղթած Վլադիմիր Զելենսկին հարաբերություններ կառուցի Պուտինի հետ։

Նշենք, որ ընտրությունների օրը Նիկոլ Փաշինյանը ուկրաիներենով շնորհավորել էր Զելենսկուն հաղթանակի առթիվ ու նրան հաջողություն էր մաղթել։ Նա համոզմունք էր հայտնել, որ նոր նախագահը ամեն ջանք կգործադրի, որ Հայաստանի և Ուկրաինայի բարեկամական հարաբերությունները նոր մակարդակի հասնեն։

«Չեմ կարծում, որ նրա համար դժվար կլինի շփվել ՌԴ նախագահի հետ։ Մի պայման կա. լինել շիտակ, ազնիվ, առանց դավերի, ու դժվար չի լինի», – ասել է ՀՀ վարչապետը։

Փաշիկյանը նաև ընդգծել է, որ սա վերաբերում է ոչ միայն Ռուսաստանի նախագահի, այլև բոլոր մարդկանց հետ հարաբերություններին։

«Ցանկացած մարդ գնահատում է, երբ զրուցակիցը չի փորձում խաբել նրան, խորամանկություններ անել, ինչ–որ բան աղավաղել։ Կարծում եմ` սա ճիշտ վարվելաձև է բոլոր հարաբերություններում։ Հնարավոր է` դիվանագիտության, միջազգային գործերում դա այդքան էլ հաճելի չէ։ Բայց ես բոլորի հետ եմ այդպես շփվում», – ասել է նա։

Ուկրաինայի նախագահական ընտրությունների երկրորդ փուլը կայացել է ապրիլի 21–ին։ Քաղաքացիներն ընտրության 2 հնարավորություն են ունեցել` ներկայիս նախագահ Պյոտր Պորոշենկոն ու առաջին փուլի առաջատար Վլադիմիր Զելենսկին։ ԿԸՀ–ի տվյալներով` Զելենսկին հաղթել է նաև երկրորդ փուլում` ստանալով ընտրողների քվեների ավելի քան 73%–ը։

 

թեմա:
Հայաստան-Ռուսաստան համագործակցություն (119)

Ըստ թեմայի

Փաշինյանն ու Պուտինը կրկին կհանդիպեն, Մատվիենկոն ասել է` երբ և որտեղ
Փաշինյանի և Պուտինի մամուլի քարտուղարները հանդիպել են Մոսկվայում. ի՞նչ են քննարկել նրանք
Ալիևը Պուտինի հետ զրույցում պատմել է Փաշինյանի հետ հանդիպման արդյունքների մասին
թեգերը:
Վլադիմիր Պուտին, Նիկոլ Փաշինյան, Ռուսաստան, Հայաստան

Գլխավոր թեմաներ