13:14 17 հոկտեմբերի 2019
Ուղիղ եթեր
  • USD476.76
  • GBP608.06
  • EUR526.20
  • RUB7.42
Մարտակերտ

Ապրիլյան պատերազմի 23 զոհերի գործերը կքննարկվեն եվրոպական դատարանում. Արցախի ՄԻՊ

© Sputnik / Asatur Yesayants
Արցախ
Ստանալ կարճ հղումը
28820

Մարդու իրավունքների եվրոպական դատարանն այս պահին կոմունիկացնում է 2016թ.–ի ապրիլյան պատերազմում Ադրբեջանի կողմից գլխատման, դիակապտության, խոշտանգումների, սպանությունների 23 դեպքերի վերաբերյալ հայկական կողմից ներկայացված հայցերը։

ԵՐԵՎԱՆ, 30 ապրիլի — Sputnik. Մարդու իրավունքների եվրոպական դատարանն Արցախից ստացված գործերում դիտարկում է բացառապես գույքային իրավունքների խախտման դեպքերը։ Այս մասին այսօր Հայաստանի խորհրդարանում, մարդու իրավունքների պաշտպանության և հանրային հարցերի մշտական հանձնաժողովի անդամների հետ հանդիպմանն ասաց Արցախի Հանրապետության մարդու իրավունքների պաշտպան Արտակ Բեգլարյանը։

«Սրանով, փաստորեն, ՄԻԵԴ–ը ինչ-որ շեմ է դնում` ցույց տալով, որ այդ շեմից ներքև չի իջնելու։ Սա թույլ է տալիս մեզ ենթադրելու, որ նմանատիպ բազմաթիվ հայցեր մերժվելու են։ Միգուցե մի մասը, կախված հանգամանքներից, ապացույցներից, փաստերից, փաստարկներից, կարող են բավարարվել։ Բայց պետք է արձանագրել, որ սրանք չեն վերաբերում ապրիլյան պատերազմի ժամանակ արձանագրված ռազմական հանցագործություններին, մարդկության դեմ ուղղված հանցագործություններին և ընդհանրապես այն հանցագործություններին, որոնք վերաբերել են կյանքի իրավունքին, խոշտանգումից զերծ լինելու իրավունքին»,– ասաց Բեգլարյանը։

Արցախի ՄԻՊ–ը հիշեցրեց, որ 2016թ.–ի ապրիլյան պատերազմից հետ Արցախի նախկին ՄԻՊ Ռուբեն Մելիքյանը ընդգրկուն զեկույց էր հրապարակել, որտեղ ներկայացրել էր հատկապես մարդու հիմնարար իրավունքների խախտման փաստերին։

«Զեկույցում նշվում է, որ այդ դեպքերը կրել են կազմակերպված, համակարգված բնույթ, քանի որ ադրբեջանական վերահսկողության տակ ընկած 31 անձանցից 27-ի դեպքում արձանագրվել են մարդու իրավունքների եվրոպական կոնվենցիայի խախտման դեպքեր, այդ թվում` գլխատման, դիակապտությունների, խոշտանգումների, սպանությունների և այլն»,–ասաց Բեգլարյանը` հավելելով, որ այս 27 դեպքերից 23—ը ՄԻԵԴ–ն ընդունել է վարույթ, և այժմ դրանք գտնվում են կոմունիկացիոն փուլում։

Արտակ Բեգլարյանը համոզմունք հայտնեց, որ նշված 23 հայցերը կքննարկվեն եվրոպական դատարանում ու կբավարարվեն։

Ըստ թեմայի

«Եթե մահանամ, իմացիր, որ միշտ սիրել եմ քեզ». ապրիլյան պատերազմն ու անպատասխան նամակը
Բաց նամակ ՀՀ վարչապետ Նիկոլ Փաշինյանին` ապրիլյան պատերազմի հերոս Հրանտ Սարկիսովից
Նախկինում երազելով էի ապրում. զրույց` ապրիլյան քառօրյայի մասնակից Սաշա Գալստյանի մոր հետ
թեգերը:
Մարդու Իրավունքների Եվրոպական դատարան (ՄԻԵԴ), Ապրիլյան քառօրյա պատերազմ, Արցախ

Գլխավոր թեմաներ