ԵՐԵՎԱՆ, 9 մայիսի – Sputnik. ՀՀ վարչապետ Նիկոլ Փաշինյանը Ստեփանակերտում հանդիպում է ունեցել Արցախի Հանրապետության նախագահ Բակո Սահակյանի հետ: Այս մասին հայտնում է վարչապետի մամուլի ծառայությունը։
Հայաստանի և Արցախի ղեկավարներն ընդգծել են եռատոնին` Հայրենական մեծ պատերազմում հաղթանակի, Լեռնային Ղարաբաղի Հանրապետության պաշտպանության բանակի կազմավորման և Շուշիի ազատագրման օրվան նվիրված միջոցառումների կարևորությունը:
Հանդիպման ընթացքում քննարկվել են Հայաստանի և Արցախի միջև տարբեր ոլորտներում փոխգործակցությանը վերաբերող մի շարք հարցեր:
Հիշեցնենք` ՀՀ վարչապետն այսօր առավոտյան մեկնել է Արցախ` մայիսյան եռատոնին նվիրված միջոցառումներին մասնակցելու նպատակով։
© official site of the President of ArtsakhՆիկոլ Փաշինյանն ու Աննա Հակոբյանը Արցախում
Նիկոլ Փաշինյանն ու Աննա Հակոբյանը Արցախում
© official site of the President of Artsakh
Մայիսի 9-ին նշվում է Շուշիի ազատագրումը, Արցախի Հանրապետության պաշտպանության բանակի կազմավորումն ու Հայրենական մեծ պատերազմում հաղթանակը: