18:46 24 հունիսի 2019
Ուղիղ եթեր
  • USD477.81
  • GBP609.64
  • EUR544.32
  • RUB7.60
Ասկերան, Արցախ, CONIFA-ի խաղեր

Արևմտյան Հայաստանի հավաքականը եզրափակիչում է. CONIFA-ի օրագիր

© Photo: Artsakhpress
Արցախ
Ստանալ կարճ հղումը
97 0 0

Արցախում ավարտին է մոտենում CONIFA-ի հովանու ներքո անցկացվող «Եվրոպական ֆուտբոլի գավաթ 2019» մրցաշարը:

ԵՐԵՎԱՆ, 6 հունիսի — Sputnik. Արցախում ընթացող չճանաչված երկրների ֆուտբոլի Եվրոպայի առաջնության կիսաեզրափակիչ երկու հանդիպումներն էլ ավարտվեցին ոչ-ոքի արդյունքով: Երկու խաղերում էլ հաղթողը որոշվեց 11 մետրանոց հարվածաշարով: Արևմտյան Հայաստանի հավաքականը դժվարին պայքարում հաղթանակի հասավ Աբխազիայի ընտրանու նկատմամբ:

Футбольный матч ConIFA между сборными Южной Осетии и Чамерия (6 июня 2019). Аскеран
Հարավային Օսեթիայի և Չամերիայի հավաքականների հանդիպումը Արցախում

Խաղերը դիտելու էր գնացել նաև Արցախի նախագահ Բակո Սահակյանը։

Արցախում ավարտին է մոտենում CONIFA-ի (անկախ ֆուտբոլային ասոցիացիաների կոնֆեդերացիա) հովանու ներքո անցկացվող «Եվրոպական ֆուտբոլի գավաթ 2019» մրցաշարը: Հունիսի 9-ին Արմտյան Հայաստանի հավաքականը եզրափակչում հաղթողի կոչումը վիճարկելու է Հարավային Օսեթիայի թիմի հետ:

Հայաստանի ազգային հավաքականի նախկին ֆուտբոլիստ և ավագ Հարություն Վարդանյանի թիմը` Արևմտյան Հայաստանի հավաքականը, խմբում երկրորդ տեղը զբաղեցնելով, կիսաեզրափակիչում կարողացավ կամային որակներ դրսևորել: Իսկ խաղի հերոսը դարձավ Արևմտյան Հայաստանի հավաքականի դարպասապահ Գևորգ Կասպարովը:

Հիմնական ժամանակում կողմերը մեկական գնդակ փոխանակեցին, իսկ 11 մետրանոց հարվածաշարը Աբխազիայի հավաքականը ձախողեց: Աբխազների կողմից  իրացրած մեկ հարված շեղ ստացվեց, մեկ հարվածից հետո գնդակը հետ մղվեց դարպասաձողից, հաջորդ հարվածից հետո էլ գնդակը որսաց Գևորգ Կասպարովը: Իսկ Արևմտյան Հայաստանի թիմի ֆուտբոլիստները, հստակ իրացնելով առաջին երեք հարվածները, ապահովեցին հաղթանակը:

Նույն պատմությունը գրանցվեց նաև մյուս կիսաեզրափակիչում, որտեղ Հարավային Օսեթիայի հավաքականը հիմնական ժամանակում մեկական գնդակ փոխանակելով Չամերիայի թիմի հետ, ավելի հաստակ իրացրեց 11 մետրանոց հարվածաշարը և հաղթելով 6:5 հաշվով դուրս եկավ եզրափակիչ:

Իսկ Արցախի հավաքականը, որը պայքարում է 5-8-րդ տեղերի համար, այսօր 2:1 հաշվով հաղթանակի է հասել Շեկեի Լենդի թիմի նկատմամբ:

 

Ըստ թեմայի

Արցախի հավաքականն ավարտեց պայքարը, Արևմտյան Հայաստանը CONIFA-ի կիսաեզրափակիչում է
Կխաղան արդյո՞ք հայկական 2 թիմերն իրար դեմ, կամ ֆուտբոլային տոնն Արցախին նոր ճանաչում կբերի
«Լոխ լավ ա» երգի տեսահոլովակը զի՛լ է. Արցախը պատրաստ է Conifa–ի առաջնությանը
թեգերը:
Արցախ, սպորտ, ֆուտբոլ

Գլխավոր թեմաներ