17:16 08 դեկտեմբերի 2019
Ուղիղ եթեր
  • USD478.03
  • GBP627.41
  • EUR530.47
  • RUB7.50
Հադրութ. արխիվային լուսանկար

Արցախի Հադրութի շրջանը և Ֆրանսիայի Իզեր նահանգը բարեկամացել են

© Sputnik / Asatur Yesayants
Արցախ
Ստանալ կարճ հղումը
42 0 0

Երկու երկրամասերը բարեկամության հռչակագիր են ստորագրել։ Ստորագրման արարողությունը տեղի է ունեցել Ֆրանսիայում։

ԵՐԵՎԱՆ, 20 Սեպտեմբեր — Sputnik. Այսօր` սեպտեմբերի 20-ին, Արցախի Հանրապետության Հադրութի շրջանը և Ֆրանսիայի Հանրապետության Իզեր նահանգը բարեկամության հռչակագիր են ստորագրել։ Այս մասին հայտնում է Արցախի արտգործնախարարության կայքը։

Ստորագրման արարողությունը տեղի է ունեցել Ֆրանսիայի Իզեր նահանգի Գրենոբլ քաղաքում։ Ստորագրողներն էին Հադրութի շրջանի ղեկավար Կամո Պետրոսյանը և Իզերի նահանգի ղեկավար Ժան–Պիեր Բարբիեն։

Արարողությանը ներկա էին նաև Ֆրանսիայում Արցախի Հանրապետության մշտական ներկայացուցիչ Հովհաննես Գևորգյանը, Լիոնում Հայաստանի Հանրապետության փոխհյուպատոս Գայանե Մանուկյանը, ներկայացուցիչներ հայ համայնքից։

Ստորագրված համաձայնագիրը երկու երկրամասերի միջև կրթական, մշակութային և մարդասիրական համատեղ ծրագրերի հնարավորություն է ընձեռելու։ Ֆրանսիայում Արցախի Հանրապետության ներկայացուցիչ Հովհաննես Գևորգյանի խոսքով` նման համաձայնագրերի շնորհիվ Արցախը ճեղքում է քաղաքական մեկուսացումը, որն Ադրբեջանը փորձում է պարտադրել նրան։

Իզեր նահանգը Ֆրանսիայի հարավ–արևելքում է, ունի մեկ միլիոն բնակիչ։ Նահանգի Գրենոբլ քաղաքում տարիներ առաջ հաստատվել է հայկական համայնքը։ Քաղաքում կան Ֆրանսիայի ազգային հերոս, ազգությամբ հայ Միսաք Մանուշյանի անվան և «Արմենիա» անվանումը կրող փողոցներ։

Նշենք, որ Հադրութի և Արցախի միջև բարեկամությունը տասնչորսերորդն է Արցախի և Ֆրանսիայի վարչատարածքային միավորների միջև։ Նախկինում բարեկամության հռչակագրեր են ստորագրվել Արցախի Շեխեր ու Ֆրանսիայի Առնուվիլ, Շուշի ու Սենտ Էտիեն, Մարտունի և Բուր–դե–Պեաժ համայնքների միջև։

Ըստ թեմայի

Լավրովը և Գրեմինգերը Արցախի վերաբերյալ տեղեկություն են փոխանակել. Զախարովա
Արցախի ԱԳՆ–ն ողջունում է ֆրանսիական քաղաքների քաղաքապետների հայտարարությունը
Նրան ոչինչ չի կանգնեցնի․ ինչո՞ւ է ֆրանսիացի Թեոն որոշել հեծանիվով Հայաստան գալ
Ադրբեջանի «սև ցուցակը» կհասցնեմ 1000-ի. ԵԽ պատգամավորն Արցախ է այցելել մեծ խմբով
Բոլորս պահանջում ենք խաղաղ ու անվտանգ Արցախ. ՀՀ նախագահ
թեգերը:
Ֆրանսիա, Արցախ

Գլխավոր թեմաներ