20:35 20 նոյեմբերի 2019
Ուղիղ եթեր
  • USD476.98
  • GBP615.73
  • EUR527.68
  • RUB7.46
Ձկներ. արխիվային լուսանկար

Խաչենագետի ջրամբարում տեղի ունեցածը «մարդու ձեռքի գործ է»

© Sputnik / Валерий Титиевский
Արցախ
Ստանալ կարճ հղումը
79 0 0

Նախկինում տեղեկություններ էին հայտնվել, որ Խաչենագետի ջրամբարում գտնվող էկոլոգիական վթարը կարող է պայթյունի հետևանք լինել:

Խաչենագետի ջրամբարում բնապահպանական արտակարգ իրավիճակի հետ կապված գործի մանրամասներն ուղարկվել են իրավապահ մարմիններին։ Sputnik Արմենիային տված հարցազրույցում այս մասին ասել է Արցախի Հանրապետության Բնապահպանության և բնական պաշարների նախարարության վերահսկողության բաժնի պետ Սևակ Ստեփանյանը:

«Մենք ստացել ենք լաբորատոր հետազոտությունների արդյունքները, որոնք հաստատում են, որ ջրամբարում ջուրը բացարձակապես մաքուր է, իսկ ձկների հետ ամեն բան կարգին է: Այսինքն՝ բացառվում է թե՛ ձկնային ցանկացած հիվանդությունը, թե՛ էկոլոգիական աղետը: Հետևաբար, տեղի ունեցածը մարդու ձեռքի գործ է»,-ասաց նա:

Ըստ Ստեփանյանի` քննության արդյունքները, ինչպես նաև գործի այլ մանրամասներն այսօր` հոկտեմբերի 29–ին ուղարկվել են ոստիկանություն, որտեղ դրանք մանրամասն ուսումնասիրվելու են: Հնարավոր է, որ քրեական գործ հարուցվի:

Հիշեցնենք, որ հոկտեմբերի 19-ին Facebook-ի օգտատեր Վլադիմիր Դոլուխանյանը հրապարակել էր տեսանյութ, որում երևում էր, որ հարյուրավոր փոքր ձկներ են նետվում ջրամբարի ափ ու սատկում:

Արցախի Սննդամթերքի անվտանգության պետական ծառայությունն արձագանքել էր արցախցի օգտատիրոջ հրապարակած տեսանյութին` նշելով, որ հոկտեմբերի 20-ին առավոտյան ԱՀ ԳՆ Սննդամթերքի անվտանգության պետական ծառայության աշխատակազմի անասնաբուժության տեսչությունը ստուգողական այց է իրականացրել Խաչենի ջրամբար՝ պարզելու համար ափամերձ գոտում ձկների անկման պատճառները, որի արդյունքում լաբորատոր փորձաքննության իրականացման համար նմուշներ են վերցվել ջրից ու ձկներից։ Տվյալ տեղամասը սպասարկող անասնաբուժական կայանի աշխատողները նմուշառումից հետո մաքրել ու ախտահանել են տարածքը, իրականացրել կանխարգելիչ միջոցառումներ։

Տարիներ անցան. Գեներալ Նիկոլայ Գրիգորյանը հիշում է` ինչպես էր գնդակ «տշում» և ձուկ բռնում

Ավելի վաղ Արցախի Բնապահպանության և բնական պաշարների նախարարության վերահսկողության բաժնի պետը Sputnik Արմենիային հայտնել էր, որ ջրամբարում ձկների զանգվածային անկման պատճառը կարող է լինել պայթյունը, որը կատարվել է ձուկ որսալու համար:

Ստեփանյանը նաև հավելեց, որ Խաչենագետի ջրամբարի տարածքը շարունակում է հսկողության տակ մնալ:

Ըստ թեմայի

Սահմանված չափանիշներին չհամապատասխանող ձկնաբուծարանները պետք է փակվեն. վարչապետ
Բնապահպաններն ահազանգում են` Արցախի ջրամբարում ձկները սատկել են. տեսանյութ
Ձկները փախել են, փողերը` յուրացվել. Սևանի իշխանի ծրագրով քրգործ է հարուցվել
թեգերը:
ձուկ, Արցախ

Գլխավոր թեմաներ