ԵՐԵՎԱՆ, 20 փետրվարի — Sputnik. Արցախի բնակչության շրջանում սուր շնչառական վարակի սեզոնային աճի գրանցման և համաճարակաբանական լարված իրավիճակի հետ կապված՝ դադարեցվել են հանրակրթական և նախադպրոցական ուսումնական հաստատությունների պարապմունքները. գրում է «Արցախպրեսը»։
«Վարակի տարածման կանխարգելման նպատակով ԱՀ առողջապահության նախարարությունն առաջարկել է կրթության, գիտության և սպորտի նախարարությանը փետրվարի 21-22-ը ներառյալ դադարեցնել հանրապետության տարածքում գործող բոլոր դպրոցների և մանկապարտեզների գործունեությունը»,–նշված է կայքում։
Հիվանդությունն առավել վերահսկելի դարձնելու նպատակով բուժհիմնարկների ամբուլատոր-պոլիկլինիկական բաժանմունքներում փետրվարի 22-ի ոչ աշխատանքային շաբաթ օրը կլինի աշխատանքային:
5-օրյա ուսումնական հաստատություններում փետրվարի 21-ին բաց թողնված պարապմունքները կազմակերպվելու են փետրվարի 29-ին՝ շաբաթ օրը, իսկ 6-օրյա աշխատանքային շաբաթով աշխատող ուսումնական հաստատություններում փետրվարի 21-ի և 22-ի բաց թողնված պարապմունքները՝ հաջորդող երկու շաբաթների ընթացքում:
Երևանում դպրոցի ճանապարհին 22 երեխայի են կծել. որ դեպքում են ագրեսիվանում ստերջացված շները
Հիշեցնենք, որ Հայաստանում սուր շնչառական վարակների տարածման առումով իրավիճակը նորմայի շրջանակում է։
Նախարարը լավ լուր է հայտնել դպրոցից հիվանդության պատճառով բացակայած աշակերտների համար
