ԵՐԵՎԱՆ, 15 ապրիլի - Sputnik. Արցախում տեղի ունեցած համապետական ընտրությունները Արցախի ժողովրդի ազատ կամարտահայտության ու մարդու իրավունքների իրագործումն էր: Այս մասին այսօր ԱԺ-ում հայտարարեց ՀՀ ԱԳ նախարար Զոհրաբ Մնացականյանը:
«Ընտրությունների միջոցով Արցախի ժողովուրդն իր մանդատը տվեց ԱՀ նոր իշխանություններին՝ շարունակելու ապահովելու իր անվտանգությունը և ներկայացնելու իրեն՝ խաղաղ կարգավորման գործընթացում»,- ասաց Մնացականյանը:
Նա նաև շեշտեց, որ ՀՀ իշխանությունը եղել և մնում է Արցախի Հանրապետության անվտանգության երաշխավորը և շարունակելու է միջազգային ատյաններում իրականացնել այդ մասով իր պարտավորությունները:
Արցախի նախագահի ընտրություններին մասնակցել է ընտրողների 44,9 տոկոսը
Հիշեցնենք՝ մարտի 31–ին Արցախում կայացած նախագահական ընտրությունների առաջին փուլից հետո մրցապայքարում էին մնացել նախկին վարչապետ (պետնախարար), «Ազատ Հայրենիք» կուսակցության ղեկավար Արայիկ Հարությունյանն ու արտգործնախարար Մասիս Մայիլյանը։
Ընտրությունների առաջին փուլի արդյունքում Արայիկ Հարությունյանը ստացել էր ձայների 49,26%-ը, արտգործնախարար Մասիս Մայիլյանը՝ 26,4%-ը։
Ապրիլի 14-ին անցկացվեց ընտրությունների երկրորդ փուլը, որի արդյունքում հաղթեց Արայիկ Հարությունյանը։ Բոլոր 282 ընտրատեղամասերի քվեաթերթիկների մշակման արդյունքում Հարությունյանի օգտին քվեարկել է 39 860 մարդ, Մայիլյանի օգտին ՝ 5 428:
Արցախում նախագահ է ընտրվել Արայիկ Հարությունյանը. Սարգսյանն արդեն շնորհավորել է
