01:16 15 օգոստոսի 2020
Ուղիղ եթեր
  • USD484.83
  • GBP634.16
  • EUR571.91
  • RUB6.61
Արցախ
Ստանալ կարճ հղումը
482 0 0

ՀՀ արտաքին գործերի նախարարը նշել է, որ խորապես սխալվում է նա, ով ենթադրում է, թե բանակցությունների ընթացքում մի բան են խոսում, իսկ ժողովրդին մեկ այլ բան ներկայացնում։ Նախարարը հավաստիացրել է, որ չի կարող նման բան լինել:

ԵՐԵՎԱՆ, 21 ապրիլի - Sputnik. ՀՀ իշխանությունները չեն կարող Լեռնային Ղարաբաղի հակամարտության խաղաղ կարգավորման բանակացություններում խոսել մեկ բան ու ժողովրդին ներկայացնել մեկ այլ բան: Այսօր լրագրողների հետ հանդիպմանը հայտարարել է ՀՀ արտաքին գործերի նախարար Զոհրաբ Մնացականյանը՝ արձագանքելով Ռուսաստանի Դաշնության արտաքին գործերի նախարար Սերգեյ Լավրովի այն հայտարարությունը, թե քննարկվում են 2019թ-ին Մոսկվայում Հայաստանի, Ադրբեջանի և Ռուսաստանի ԱԳ նախարարների հանդիպմանը ներկայացված փուլային կարգավորման առաջարկությունները:

«Այս երկու տարիների ընթացքում մեր կառավարությունը, վարչապետ Փաշինյանը, մենք եղել ենք առավել քան թափանցիկ։ Մեր դիրքորոշումներն ու մոտեցումները հայտնել ենք շատ պարզ ձևով։ Այդ մեկնաբանության մեջ եղել են հղումներ բազմաթիվ փաստաթղթերի։ Նման մոտեցումներ ի հայտ են եկել 2014, 2016 թվականին, և այդ մոտեցումներն ընդունելի չեն եղել հայկական կողմերի համար։ 2018-ից ի վեր քննարկումները սահմանափակվել են առանձին տարրերի շուրջ՝ կողմերի մոտեցումների քննարկման, գնատահման վերաբերյալ: 2014թ-ին առաջարկված տարբերակն այսօր բանակցային սեղանի փաստաթուղթ չէ»,- ասաց Մնացականյանը։

Նախարարի պնդմամբ՝ հայկական կողմերի համար առաջնայինը բանակցային գործընթացում անվտանգության բաղադրիչն է։ Ինչ վերաբերում է տարածքներին, դրանք, ըստ Մնացականյանի, անվտանգության գոտի են ու պաշտպանական գծեր։ Հետևաբար հայկական կողմերի համար դրանք վերանայման ենթակա չեն:

Անկախ կորոնավիրուսից Ղարաբաղյան հակամարտության կարգավորման գործընթացը ընթանում է. Զախարովա

«Որևէ հայկական կողմ չի կարող վերանայել դա՝ վտանգի տակ դնելով Արցախի բնակչության անվտանգությունը։ Որևէ կերպ անհնար է ենթադրել, որ հայկական կողմերից որևէ մեկը կարող է գնալ զիջումների, որոնք կարող են վտանգի տակ դնել Արցախի ժողովրդի անվտանգությունը»,- նշեց Մնացականյանը։

Բանակցային գործընթացում հայկական կողմերի համար գերակա տարր է նաև ինքնորոշման սկզբունքը: Ըստ Մնացականյանի՝ խաղաղ կարգավորումը հնարավոր է փոխզիջումների միջոցով։ Իսկ զիջումներ չեն եղել ու չեն լինելու։

«Փոխզիջումները պետք է լինեն համաչափ, որի մեջ հայկական կողմերը տեսնում են լիարժեք արտահայտություն անվտանգության ու ստատուսի տարրերի։ Սա եղել և մնացել է հայկական կողմի մոտեցումը։ Սրա մասին մենք խոսում ենք բանակցությունների ժամանակ»,- ասաց Մնացականյանը։

ՀՀ արտաքին գործերի նախարարը շեշտեց, որ հայկական կողմերի համար գործընթացը չունի որևէ այլընտրանք, քան խաղաղ կարգավորումը։ Հայկական կողմերը վճռականորեն պաշտպանելու են իրենց ժողովրդին, իրենց անվտանգությունը։

Մնացականյանն ընդգծեց, որ հայկական կողմերը հավատարիմ են մնալու այս սկզբունքին ու շարունակելու են պնդել այն։

Ըստ թեմայի

Արցախը պետք է վերադառնա բանակցային սեղան. Մասիս Մայիլյան
Իմ ժառանգած ԼՂ բանակցային գործընթացը և միջազգային ընկալումը դառնացնում է ինձ. Փաշինյան
Էսկալացիան խանգարում է բանակցային գործընթացին. Մնացականյանը` սահմանի լարվածության մասին
Որ իրավիճակում Բաքուն կհամաձայնի, որ Արցախը վերադառնա բանակցային սեղան
թեգերը:
Զոհրաբ Մնացականյան, Սերգեյ Լավրով, բանակցային գործընթաց, Արցախ, Հայաստան

Գլխավոր թեմաներ