15:36 11 հուլիսի 2020
Ուղիղ եթեր
  • USD486.73
  • GBP613.77
  • EUR549.62
  • RUB6.84
Արցախ
Ստանալ կարճ հղումը
Կորոնավիրուսը Հայաստանում և Արցախում (1222)
167 0 0

Վարակվածներից մեկը նոր է վերադարձել ՀՀ-ից, և բժիշկներին դիմելուց հետո է նրա մոտ պարզվել կորոնավիրուսի առկայությունը։

ԵՐԵՎԱՆ, 13 հունիսի – Sputnik. Արցախի Հանրապետության առողջապահության նախարարությունից ստացված տեղեկատվության համաձայն` նոր կորոնավիրուսի վարակը հաստատվել է ևս 10 քաղաքացու մոտ: Տեղեկությունը հայտնում է Արցախի տեղեկատվական շտաբը` նշելով, որ վարակվածների թիվը հասել է 78-ի։

«Նրանցից 3-ը Ստեփանակերտի բնակիչներ են, ընդ որում` մեկը նախկինում հաստատված վարակակիրների հետ առնչություն չունի, նոր է վերադարձել ՀՀ-ից, և բժիշկներին դիմելուց հետո է նրա մոտ պարզվել կորոնավիրուսի առկայությունը: Ստեփանակերտի մյուս 2 բնակիչները, որոնք վարակվել են կորոնավիրուսով, հաստատված վարակակիրների կոնտակտավորներ են: Իսկ նոր վարակված մյուս 7 քաղաքացիները Հադրութի շրջանի սահմանափակումներ մտցրած համայնքներից են, որոնք վարակվել են սգո արարողության ժամանակ»,– նշված է հաղորդագրության մեջ:

Միևնույն ժամանակ, նոր կորոնավիրուսի (COVID 19) վարակը հաղթահարել է ևս 11 քաղաքացի: Մեկուսացված է 91 անձ, ընդհանուր թեստավորումների քանակը 1284 է:

Բարեբախտաբար, Արցախում կորոնավիրուսից մահանալու ոչ մի դեպք դեռ չի գրանցվել։

Արցախի Հանրապետության պարետատունը հորդորում է հետևել պարետի որոշումներին և ցուցումներին՝ նոր բռնկումներից խուսափելու և օր առաջ կորոնավիրուսային վարակը հաղթահարելու համար: Պետք է հիշել, որ յուրաքանչյուրի պատասխանատվության ու ինքնագիտակցության բարձր աստիճանով է պայմանավորված իրականացվող աշխատանքների արդյունավետությունը:

Հիշեցնենք` Հայաստանում կորոնավիրուսով վարակվածների թիվը վերջին մեկ օրում ավելացել է 723-ով և հասել 16003–ի։ Ընդհանուր առմամբ առողջացել է 6081 մարդ (+442), մահացել են 264-ը (+6)։

թեմա:
Կորոնավիրուսը Հայաստանում և Արցախում (1222)

Ըստ թեմայի

Նիկոլ Փաշինյանն առաջարկում է տեսաուղերձների ֆլեշմոբ անել
Արժանի են խրախուսման. Փաշինյանը մեկնաբանել է Սպիտակում կնոջ «ձեռքերը ոլորելու» օպերացիան
«50 օր՝ կորոնավիրուսի ճիրաններում». Փաշինյանը հուզիչ տեսանյութ է հրապարակել
թեգերը:
կորոնավիրուս, Արցախ

Գլխավոր թեմաներ