ԵՐԵՎԱՆ, 23 հուլիսի – Sputnik. Հայաստանի առողջապահության նախարարությունը շտապօգնության 10 մեքենա կնվիրի Արցախի առողջապահության նախարարությանը` այնտեղ բուժօգնության ծառայության որակն ավելի բարձրացնելու նպատակով։ Տեղեկությունը նախարարությունը հայտնում է Facebook –ի իր էջում։
Հաղորդագրության մեջ նշվում է, որ մեքենաները Հայաստան պետք է հասնեին դեռ մարտին, ուշացումը պայմանավորված է կորոնավիրուսային հիվանդության համավարակով:
Շտապօգնության 10 մեքենան ձեռք բերելու համար 2019 թվականի վերջին ՀՀ պետական բյուջեից 295 միլիոն դրամ է հատկացվել Առողջապահության նախարարությանը։ Ford մակնիշի մեքենաներից 7-ը գծային է, 3-ը` ռեանիմոբիլ:
Դրանք համալրված են անհրաժեշտ բոլոր սարքերով:
Հայտնի է` երբ կբարձրանան շտապօգնության աշխատակիցների աշխատավարձերը
Հիշեցնենք` ավելի վաղ էլ ՀՀ առողջապահության նախարարությունից հայտնել էին, որ դժվար հասանելի գյուղական վայրերում կանչեր իրականացնելու համար Հայաստանի մարզերին առաջիկայում կբաշխվի 21 գծային ՈՒԱԶ մակնիշի շտապօգնության մեքենա։
Բժիշկներն իրենց պարգևավճարների մի մասը փոխանցում են ոստիկանության համակարգի գործընկերներին
