09:22 28 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Արցախ
Ստանալ կարճ հղումը
Ադրբեջանական ագրեսիան Արցախում - 2020 (2212)
631 0 0

Նրա խոսքով` խաղաղ բնակչության շրջանում այս պահին հաստատված է 2 զոհ, 30-ից ավելի վիրավոր։ Արցախի ՄԻՊ–ի կարծիքով` այս թիվը կավելանա։

ԵՐԵՎԱՆ, 27 սեպտեմբերի– Sputnik. Արցախի մարդու իրավունքների պաշտպանի գրասենյակի տվյալներով` ավելի քան 50 բնակավայր է թիրախավորվել ադրբեջանական զինուժի կողմից, այդ թվում՝ Ստեփանակերտը, Շուշին, Մարտակերտը, Բերձորը, Քարվաճառը և այլն, այսինքն` բոլոր շրջկենտրոնները։

Արցախի ՄԻՊ Արտակ Բեգլարյանի խոսքով` խաղաղ բնակչության շրջանում այս պահին հաստատված է 2 զոհ, 30-ից ավելի վիրավոր, որոնց  թիվը կարող է ավելանալ։

«Այս պահին ամբողջ հանրապետությունում առնվազն մի քանի հարյուր անշարժ գույքի և ենթակառուվածքների վնասներ կան, ներառյալ` ճանապարհներ, էլեկտրագծեր, գազի խողովակներ, ջրատար խողովակներ, բավականին շատ բնակարաններ, նաև որոնց հետևանքով քաղաքացիական զոհեր և վիրավորներ են եղել, բազմաթիվ մեքենաներ, ենթակառուցվածքներ, որոնք ակնհայտ կերպով ցույց են տալիս, որ նպատակային և հասցեական կերպով Ադրբեջանը թիրախավորել է քաղաքացիական բնակչությանը»,– նշեց Բեգլարյանը։

Վիրավոր երեխաներ ու երիտասարդներ, վնասված տներ. լուսանկարներ Արցախից

Նրա դիտարկմամբ` թիրախավորված բնակավայրերը բավականին հեռավորության վրա են ռազմական օբյեկտներից, և Ադրբեջանը չի կարող արդարանալ, թե ռազմական օբյեկտներն են թիրախավորել։

Նշենք, որ Արցախի ՄՒՊ գրասենյակը շարունակում է փաստահավաք գործունեությունը։ Արդեն իսկ բազմաթիվ ապացույցներ են հավաքագրվել, որոնք վկայում են Ադրբեջանի նախահարձակ լինելու մասին։

Հիշեցնենք, որ այսօր` սեպտեմբերի 27–ի վաղ առավոտյան, Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Փաշինյանը զանգել է Պուտինին

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 16 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Զոհվել են նաև 16 զինծառայողներ։

Արցախում և Հայաստանում ռազմական դրություն և համատարած զորահավաք է հայտարարվել։

թեմա:
Ադրբեջանական ագրեսիան Արցախում - 2020 (2212)

Ըստ թեմայի

ՆԱՏՕ-ն մտահոգված է արցախյան էսկալացիայով ու կողմերին կոչ է անում դադարեցնել կրակը
Հայաստանը չի բացառում, որ կճանաչի Արցախի անկախությունը. Փաշինյան
ԱԱԾ-ն քաղաքական վերլուծաբաններին հորդորում է ապատեղեկատվություն չտարածել
Ես պատրաստ եմ զոհվելու, հայ ժողովուրդը ծնկած չի եղել և չի լինի. Փաշինյան
թեգերը:
Վիրավոր, հրետակոծություն, Արտակ Բեգլարյան (Արցախի ՄԻՊ), Արցախ

Գլխավոր թեմաներ