13:31 01 դեկտեմբերի 2020
Ուղիղ եթեր
  • USD506.40
  • GBP674.68
  • EUR606.82
  • RUB6.65
Արցախ
Ստանալ կարճ հղումը
Ադրբեջանական ագրեսիան Արցախում - 2020 (2212)
426 0 0

Հովհաննիսյանը նշեց` մանրամասներ ասել չի կարող, միայն կարող է հայտնել` ծանր վիճակում գտնվողները տեղափոխվել են երևանյան մասնագիտացված հիվանդանոցներ։

ԵՐԵՎԱՆ, 28 սեպտեմբերի - Sputnik. Արցախա–ադրբեջանական սահմանին թշնամու կրակոցների հետևանքով վիրավորում ստացածների թիվը նվազել է. արդեն իսկ կան ծառայության վերադարձածներ։ Լուրը լրագրողների հետ ճեպազրույցի ժամանակ հայտնեց ՀՀ ՊՆ ներկայացուցիչ Արծրուն Հովհաննիսյանը։

«Վիրավորների թվի նվազում ունենք, քանի որ թեթև վիրավորում ստացածներն արդեն անցել են ծառայության։ Այս պահին հայկական կողմի վիրավորների թիվը 100-120–ի են հասնում»,–ասաց Հովհաննիսյանը։

Իսկ ինչ վերաբերում է ծանր վիճասկում գտնվողներին, ապա Հովհաննիսյանը նշեց` մանրամասներ ասել չի կարող, միայն կարող է հայտնել` ծանր վիճակում գտնվողները տեղափոխվել են երևանյան մասնագիտացված հիվանդանոցներ։

Հարցին, թե ինչ իրավիճակ է հայ–ադրբեջանական սահմանին` Հովհաննիսյանը պատասխանեց, որ երեկվա հրետանակոծությունից հետո մարտեր չեն եղել և այս պահին էլ չկան։

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով, որը շարունակվում է նաև այսօր։

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 43 տանկ և ՀՄՄ, 2 ինժեներական զրահատեխնիկա։

Հակառակորդի զրահատանկային լայնածավալ գրոհը կասեցված է. տեսանյութ

Հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել, զոհվել են նաև 58 զինծառայող։ Հայկական կողմը շուրջ 200 վիրավոր ունի։

Հակառակորդի կորուստներն անհամեմատ մեծ են։ Մարտերը շարունակվում են։

Արցախում և Հայաստանում ռազմական դրություն և համատարած զորահավաք է հայտարարվել։

թեմա:
Ադրբեջանական ագրեսիան Արցախում - 2020 (2212)

Ըստ թեմայի

Ստեղծվել է հնարավորություն արձանագրված հաջողությունները զարգացնելու համար. ՊԲ հրամանատար
Զինծառայողներից մեկը չի զոհվել. ՊՆ–ն ներողություն է հայցում սխալի համար
ԱԱԾ–ն հորդորում է արցախցիներին իրենց տանն ընդունելու մասին գրառումներ չանել
թեգերը:
Արցախ, Վիրավոր, հոսպիտալ, Արծրուն Հովհաննիսյան

Գլխավոր թեմաներ