ԵՐԵՎԱՆ, 29 սեպտեմբերի - Sputnik. ՀՀ ՊՆ ներկայացուցիչ Արծրուն Հովհաննիսյանը լրագրողների հետ հանդիպմանը հերքեց Ադրբեջանի` քիչ առաջ տարածած հերթական ապատեղեկատվությունը։
«Րոպեներ առաջ տարածվեց ևս 2-3 ապատեղեկատվություն։ Ընդ որում, պաշտոնական մակարդակով Բաքուն ներկայացրել է, իբր, բարձրաստիճան զինվորականների կորստի մասին, ինչպես նաև Մարտունիի զինվորական զորամասի ամբողջական ոչնչացման մասին։ Դրանք չեն համապատասխանում իրականությանը, և հայտարարությունն անգամ խոսում է զինվորական ցածր մակարդակի գիտելիքների մասին. «Զորամասն ամբողջովին ոչնչացված է»։ Նման բան չկա և ընդհանրապես չի էլ լինում»,– ասաց Հովհաննիսյանը։
Հովհաննիսյանի խոսքով` այս ապատեղեկատվությունն ուղղված է Ադրբեջանի հասարակությանը։
«Կրում են պարտություն, պլանները չի իրականանում, ունեն չափազանց մեծ կորուստներ, մենք էլ ունենք կորուստներ, բայց դրանք անհամադրելի են։ Դրա համար փորձելու են մշտապես իրենց հասարակությանը «կերակրող» տեղեկություններ հորինել»,– ասաց նա։
Րոպեներ առաջ նորից ԱԹՍ խոցեցինք. Արծրուն Հովհաննիսյան
Հիշեցնենք, որ սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 4 քաղաքացիական անձինք։ Հայկական կողմը շուրջ 200 վիրավոր ունի։
Ճշգրիտ հարված, որը ոչնչացնում է ադրբեջանական հենակետերը. նոր տեսանյութ
Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։
Ըստ վերջին տեղեկությունների` Ադրբեջանը զրկվել է նաև 50 ԱԹՍ–ից, 4 ուղղաթիռից, 80 զրահատեխնիկայից, 1 ինքնաթիռից և 82 ավտոտրանսպորտից։
Արցախում և Հայաստանում ռազմական դրություն և համատարած զորահավաք է հայտարարվել։
«Ինչպես եմ ապրելու առանց նրա». Հադրութում հրետակոծության հետևանքով կին է մահացել
