03:25 25 հոկտեմբերի 2020
Ուղիղ եթեր
  • USD494.01
  • GBP646.41
  • EUR585.25
  • RUB6.47
Արցախ
Ստանալ կարճ հղումը
Ադրբեջանական ագրեսիան Արցախում - 2020 (1588)
366 0 0

Սեյրան Օհանյանի խոսքով` այս պատերազմը չի կարելի համեմատել ո՛չ 2016-ի ապրիլյանի, ո՛չ էլ այս տարվա հուլիսին ընթացած տավուշյան մարտերի հետ։

ԵՐԵՎԱՆ, 1 հոկտեմբերի – Sputnik. Ի տարբերություն 2016-ին ընթացող Ապրիլյան պատերազմի` հիմա 10 անգամ ավելի է հայկական ԶՈՒ–ի կողմից հակառակորդի ԱԹՍ–ների խոցելիությունը։ Լրագրողների հետ ճեպազրույցի ժամանակ այսպիսի հայտարարություն արեց ՀՀ ՊՆ նախկին նախարար Սեյրան Օհանյանը` պատասխանելով Sputnik Արմենիայի հարցին։

Օհանյանն այս պահին Արցախում է։ Նրա հետ Արցախում են բոլոր նախկին նախագահներն ու պաշտպանության նախարարները։

«Այս մարտական գործողություններին մասնակցում են Թուրքիայի ԱԹՍ–ները, սակայն ՀՀ ՊԲ–ն հիանալիորեն է կատարում իր գործը։ ՊԲ–ն հետևություններ է արել ԱԹՍ–ների դեմ պայքարի առնչությամբ»,–ասաց Օհանյանը։

Նրա խոսքով` այս պատերազմը չի կարելի համեմատել ո՛չ 2016-ի ապրիլյանի, ո՛չ էլ այս տարվա հուլիսին ընթացող տավուշյան մարտերի հետ։

Միակ նմանությունը, ըստ Օհանյանի, մեր զինվորի ըմբոստ ոգին է, որ բոլոր մարտական գործողությունների ժամանակ էլ կա։ Այս մարտական գործողություններն առանձնանում են, քանի որ շատ լայնածավալ են, բացի այդ, Ադրբեջանը կիրառել է իր զինամթերքում առկա ամբողջ տեխնիկան։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 103 զինծառայողներ և 7 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդն ավելի քան 1280 զոհ ունի, 2700 վիրավոր։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 90 ԱԹՍ–ից, 12 ուղղաթիռից, 181 զրահատեխնիկայից, 4 ինքնաթիռից, 2 «Սմերչից» և 3 «ՏՕՍ» համակարգից։ Արցախում և Հայաստանում ռազմական դրություն և համատարած զորահավաք է հայտարարվել։

Խաթարված մանկությունն ու աչքերի լույսը․ Արցախի երեխաների տպավորիչ ֆոտոշարքը

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

թեմա:
Ադրբեջանական ագրեսիան Արցախում - 2020 (1588)

Ըստ թեմայի

ԱԹՍ-ն խոցվել է Ասկերանի բնակելի թաղամասի հարևանությամբ. նոր լուսանկարներ
Կանադական տեխնոլոգիա Արցախի դեմ կիրառվող ԱԹՍ–ներո՞ւմ. Կանադայի ԱԳ նախարարի հանձնարարականը
Ինչպես են մերոնք վարպետորեն խոցում ադրբեջանական հերթական ԱԹՍ–ն. տեսանյութ
թեգերը:
Արցախ, անօդաչու թռչող սարք, անօդաչու, Սեյրան Օհանյան

Գլխավոր թեմաներ