11:43 18 հունվարի 2021
Ուղիղ եթեր
  • USD522.53
  • GBP712.78
  • EUR634.35
  • RUB7.13
Արցախ
Ստանալ կարճ հղումը
Ադրբեջանական ագրեսիան Արցախում - 2020 (2223)
232 0 0

ԱՄՆ-ում կարծում են, որ արտաքին ուժերը չպետք է միջամտեն Արցախի Հանրապետությունում տիրող իրավիճակին։

ԵՐԵՎԱՆ, 2 հոկտեմբերի - Sputnik. ԱՄՆ պետքարտուղար Մայք Պոմպեոն Ղարաբաղյան հակամարտության կողմերին հրադադարի կոչ է արել, իսկ արտաքին ուժերին՝ չմիջամտելու։

«Մենք դեմ ենք, որ հակամարտությունը միջազգային բնույթ ստանա։ Մենք կարծում ենք, որ արտաքին ուժերը չպետք է մտնեն դրա մեջ։ Կոչ ենք անում դադարեցնել կրակը։ Մենք ցանկանում ենք, որ երկու կողմերը հետքայլ անեն», - ասել Է Պոմպեոն Fox News-ին տված հարցազրույցում:

Նա նշել է, որ ամերիկյան կողմը խոսել է երկու երկրների առաջնորդների հետ՝ կոչ անելով նրանց անել այդ հետքայլը։

«Մենք հույս ունենք, որ առաջիկա օրերին նրանք կտեսնեն, որ բռնությունը չի լուծի ազգային և քաղաքական հակամարտությունները, և որ երրորդ երկրների մասնակցությունը կոնֆլիկտին` միայն կխորացնի խնդիրը», - հավելել է Պոմպեոն:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 103 զինծառայողներ և 7 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդն ավելի քան 1280 զոհ ունի, 2700 վիրավոր։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 90 ԱԹՍ–ից, 12 ուղղաթիռից, 181 զրահատեխնիկայից, 4 ինքնաթիռից, 2 «Սմերչից» և 3 «ՏՕՍ» համակարգից։ Արցախում և Հայաստանում ռազմական դրություն և համատարած զորահավաք է հայտարարվել։

Խաթարված մանկությունն ու աչքերի լույսը․ Արցախի երեխաների տպավորիչ ֆոտոշարքը

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։ Եվս մեկ խաղաղ բնակիչ էլ զոհվել է Գեղարքունիքի մարզում։

Հայաստանը պատրաստ է բանակցությունների, բայց կա մեկ «բայց». Փաշինյան

թեմա:
Ադրբեջանական ագրեսիան Արցախում - 2020 (2223)

Ըստ թեմայի

Արցախ չգնալ, խուսափել հայ-ադրբեջանական սահման այցելելուց. կոչ ԱՄՆ քաղաքացիներին
Զգուշացրեք Թուրքիային` դադարեցնի զենք և մարտիկներ ուղարկել Բաքու. Քարդաշյանի կոչը ԱՄՆ–ին
«Հորդորում ենք անհապաղ դադարեցնել կրակը». ԱՄՆ-ն դիմել է ՀՀ–ին ու Ադրբեջանին
Բողոքի ակցիա ԱՄՆ-ում. հայ համայնքը պահանջում է դատապարտել Ադրբեջանին ու Թուրքիային
թեգերը:
Մայք Պոմպեո, ԱՄՆ, Ադրբեջան, Արցախ

Գլխավոր թեմաներ