ԵՐԵՎԱՆ, 2 հոկտեմբերի– Sputnik. Այսօր Արցախի մայրաքաղաք Ստեփանակերտում կայացած հերթական ճեպազրույցի ավարտին ԱՀ պաշտպանության բանակի հրամանատարի տեղակալ Արթուր Սարգսյանին հարց ուղղեց ռուսաստանցի լրագրողը: Նա հետաքրքրվեց, թե ինչու է հակառակորդը հրետակոծում սահմանից բավական հեռավորության վրա գտնվող հայկական բնակավայրերը : «Որն է նպատակը»,- հարցրեց նա:
Մի քանի րոպե լուռ մտածելուց հետո Արթուր Սարգսյանը նախ կրկնեց հարցը. « Ո՞րն է նպատակը», ապա ակնհայտ հուզմունքով ավելացրեց. «Մենթալիտետն է այդպիսին՝ բարբարոսական»:
Այս պատասխանից հետո դարձյալ երկար լռություն տիրեց: ճեպազրույցն ավարտվեց ծանր լռության մեջ:
Հիշեցնենք՝ պաշտոնական տվյալներով հակառակորդը ողջ գիշեր շարունակել ե Մարտակերտ, Մարտունի, Հադրութ քաղաքների հրետակոծությունը:
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Վերջին տեղեկություններով` հակառակորդի կրակոցների հետևանքով զոհվել են 158 զինծառայողներ և 7 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդն ավելի քան 1280 զոհ ունի, 2700 վիրավոր։
«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից
Ըստ այս պահին հայտնի տեղեկությունների` Ադրբեջանը զրկվել է նաև 91 ԱԹՍ–ից, 12 ուղղաթիռից, 181 զրահատեխնիկայից, 5 ինքնաթիռից, 2 «Սմերչից» և 3 «ՏՕՍ» համակարգից։ Արցախում և Հայաստանում ռազմական դրություն և համատարած զորահավաք է հայտարարվել։
Խաթարված մանկությունն ու աչքերի լույսը․ Արցախի երեխաների տպավորիչ ֆոտոշարքը
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։ Եվս մեկ խաղաղ բնակիչ էլ զոհվել է Գեղարքունիքի մարզում։
Հայաստանը պատրաստ է բանակցությունների, բայց կա մեկ «բայց». Փաշինյան
