ԵՐԵՎԱՆ, 2 հոկտեմբերի – Sputnik. ՀՀ ՊՆ ներկայացուցիչ Արծրուն Հովհաննիսյանը Facebook–ի իր էջում նոր լուսանկար է հրապարակել, որը վկայում է ադրբեջանցիներից առգրավված նոր տեխնիկայի մասին։
«Գյուզալլար բետեեռլար բիզիմդիր (ընտիր БТР-ը մերն է,–խմբ.)»,–տեսանյութին կից գրել է Հովհաննիսյանը։
Նշենք, որ այս օրերին ՀՀ ՊՆ ներկայացուցիչը բավականին ակտիվ է սոցցանցերում, իսկ առավել ակտիվ են նրա հետևորդներն, ովքեր նրա գրառումներին արձագանքում են շատ բուռն ու սիրով։
Հովհաննիսյանի այս գրառումը նույնպես ուռաներով է ընդունվել հայ օգտատերերի կողմից.
««Անձնակազմն էլ հետը` բիզիմդիր–բիզիմդիր», «Զգետնել ենք, զխրատ...», « Քանդում ենք, ում ինչ ա պետք..», «Փառք ու պատիվ հայոց բանակին», «Հեսա թաղի երեխեքը կգան պագրիշկեքը հավաքեն ուղարկեն պոստեր»»,–գրել են նրանք։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 2-ի ժ. 12-ի դրությամբ` հակառակորդի կրակոցների հետևանքով զոհվել են 158 զինծառայողներ և 7 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 1750 զոհ ունի, 2700 վիրավոր։
«Մենք ձեզ սնիկերս, դուք մեզ` խոցված տանկեր». աղջիկների գրությունները զինվորներին
Արցախում և Հայաստանում ռազմական դրություն և համատարած զորահավաք է հայտարարվել։
«Մենթալիտետն է բարբարոսական». գնդապետը ռուսաստանցի լրագրողի հարցին պատասխան չգտավ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։ Եվս մեկ խաղաղ բնակիչ էլ զոհվել է Գեղարքունիքի մարզում։
