ԵՐԵՎԱՆ, 2 հոկտեմբերի – Sputnik. Արցախի մարդու իրավունքների պաշտպան Արտակ Բեգլարյանը Twitter–ի իր էջում գրել է, որ քիչ առաջ 3 անգամ հարվածել են մայրաքաղաքաք Ստեփանակերտի վրա ծանր հրթիռներով։
«Թվում է՝ բնակելի տներ են քանդվել։ Շատ զոհեր կան»,–նշված է գրառման մեջ։
#Breaking!#Azerbaijan just struck 3 times Stepanakert with heavy rockets.
— Artak Beglaryan (@Artak_Beglaryan) October 2, 2020
Seems residential buildings destroyed. Many casualties.
Ինչպես քիչ առաջ Ստեփանակերտից հաղորդել էր Sputnik Արմենիայի թղթակիցը Արցախի մայրաքաղաքում միանգամից 3 պայթյուն էր որոտացել։ Մինչ այդ այսօր Ստեփանակերտը մեկ անգամ էլ էին ռմբակոծել, որի ընթացքում 10 մարդ վիրավորվել էր։
Նշնենք, որ սա սեպտեմբերի 27–ից Ադրբեջանի կողմից սանձազերծած պատերազմի օրերին Արցախի մայրաքաղաքը ռմբակոծելու երկրորդ դեպքն է։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 2-ի ժ. 12-ի դրությամբ` հակառակորդի կրակոցների հետևանքով զոհվել են 158 զինծառայողներ և 7 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 1750 զոհ ունի, 2700 վիրավոր։
«Մենք ձեզ սնիկերս, դուք մեզ` խոցված տանկեր». աղջիկների գրությունները զինվորներին
Արցախում և Հայաստանում ռազմական դրություն և համատարած զորահավաք է հայտարարվել։
«Մենթալիտետն է բարբարոսական». գնդապետը ռուսաստանցի լրագրողի հարցին պատասխան չգտավ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։ Եվս մեկ խաղաղ բնակիչ էլ զոհվել է Գեղարքունիքի մարզում։
Օրվա կադր. մարտադաշտից դուրս պայքար` հանուն կյանքի
