15:25 23 հոկտեմբերի 2020
Ուղիղ եթեր
  • USD494.31
  • GBP647.00
  • EUR584.77
  • RUB6.42
Արցախ
Ստանալ կարճ հղումը
267 0 0

Այժմ Ֆրանսիայի չեզոքությունը ոչ թե օգնում է հակամարտության լուծումներ գտնելուն, այլ ակնհայտորեն ագրեսորների և նրանց անպատժելիության օգտին է, համոզված են քաղաքական գործիչները։

ԵՐԵՎԱՆ, 4 հոկտեմբերի – Sputnik. Ֆրանսիայի ավելի քան 170 քաղաքական գործիչներ Փարիզից պահանջում են վերանայել վերաբերմունքը Բաքվի նկատմամբ։ Այս մասին ասվում է քաղաքական գործիչների համատեղ նամակում, որը հրապարակվել է ֆրանսիական մամուլում, մասնավորապես` Le Journal du Dimanche պարբերականում։ Նամակը ստորագրել է նաև Փարիզի քաղաքապետ Անն Հիդալգոն։ Քաղաքական գործիչները պահանջում են վերանայել արցախյան հակամարտության նկատմամբ Ֆրանսիայի դիրքորոշումը՝ հաշվի առնելով Ադրբեջանի վերջին գործողությունները։ 

Ֆրանսիան, որպես ԵԱՀԿ Մինսկի խմբի համանախագահող երկիր, հայտարարել է իր չեզոքությունը և տասնամյակներ ի վեր աշխատում է բոլոր կողմերի շահերը հաշվի առնող լուծում գտնելու համար։ Սակայն վերջին դեպքերից հետո Ֆրանսիան պետք է արմատապես վերանայի իր ռազմավարությունը։

Ֆրանսիացի քաղաքական գործիչներն ընդգծում են, որ հուլիսի 12-ին ադրբեջանական բանակը հարձակում է գործել ոչ թե Լեռնային Ղարաբաղի, այլ Հայաստանի՝ միջազգայնորեն ճանաչված սահմանի վրա։ Մինսկի խումբը կոչված է թույլ չտալու ուժի կիրառումը Թուրքիայի և Իրանի սահմանին և Սիրիայից ոչ հեռու գտնվող այս ծայրահեղ անկայուն տարածաշրջանում և առավել ևս հակամարտության տարածվելը դրա սահմաններից դուրս։

«Ավելին, մենք չենք կարող հանդուրժել ռազմական ագրեսիան Ֆրանսիայի բարեկամ երկրի դեմ, որի ժողովուրդը 1915թ․ ցեղասպանության զոհ է եղել և որի հանդեպ մենք կրում ենք պատմական և համընդհանուր պատասխանատվություն։ Այդ պատասխանատվությունը մեզ պետք է ստիպի դուրս գալ չեզոքությունից։ Այդ չեզոքությունը բացարձակապես չի պաշտպանում ժամեր շարունակ կրակի տակ գտնվող քաղաքացիական բնակչությանը․ զոհվել են կանայք, երեխաներ։ Լեռնային Ղարաբաղի մայրաքաղաք Ստեփանակերտը, որը ռազմաճակատից բազմաթիվ կիլոմետր հեռու է, ռմբակոծությունների թիրախ է։ Լեռնային Ղարաբաղի հայությանը վերացնելու նպատակ ունեցող ռազմական գործողությունների հանդեպ չեզոքությունն աչքակապություն է», – գրված է հայտարարության մեջ։

Ադրբեջանը ձևավորել է հատուկ խմբեր, որոնք թիրախավորում են լրագրողների. Արցախի ԱԳՆ

Հայտարարության հեղինակներին մտահոգում է նաև Թուրքիան, որի մասնակցությունը այս հակամարտությանը, ըստ գործիչների, այլևս անհնար է հերքել։

«Հուլիսին Հայաստանի դեմ հարձակումից ի վեր, Թուրքիան կատաղորեն բորբոքում է հակամարտությունը՝ ռազմատենչ հայտարարություններով աջակցելով Ադրբեջանին։ Պատահական չէ, որ հուլիսից ի վեր թուրքական ծայրահեղ աջակողմյան ռազմական «Գորշ գայլեր» խմբավորումը բռնություններ է կատարում մեր երկրում՝ մասնավորապես հուլիսի 24-ին Դեսին-Շապիոյում (Ռոնի դեպարտամենտ) խաղաղ հայ ցուցարարների դեմ», – ասվում է հաղորդագրության մեջ։

Սեպտեմբերի 24-ին, ադրբեջանական հերթական ագրեսիայից երեք օր առաջ, Մարդու իրավունքների սիրիական կենտրոնը հայտնել էր Թուրքիայի հաշվին գրոհայիններ, այսինք ջիհադիստներ Ադրբեջան տեղափոխելու մասին։ Այդ վարձկանները Սիրիայում մահ էին սփռում քուրդ ազգաբնակչության շրջանում։ Այս պահին հայերը հենց նրանց դեմ են կռվում։ Հաշվի առնելով այդ ամենը, նամակում նշվում է, որ տասնամյակներ շարունակ Ֆրանսիայի որդեգրած չեզոքությունը խաղաղության տանող ուղի չէ։

Այսօր այդ չեզոքությունն ավելի շատ իր թուրք դաշնակցի հետ սերտորեն համաձայնեցված ադրբեջանական ագրեսիայի անպատժելիության երաշխիք է, քան հակամարտության լուծում գտնելու լծակ։

«Այդ իսկ պատճառով մենք կարծում ենք, որ Լեռնային Ղարաբաղի հարցում ֆրանսիական դիվանագիտությունը պետք է վերանայի իր ռազմավարությունը։ Այն է՝ օրենքի ուժով դատապարտել ադրբեջանական ագրեսիան և պարտադրել Ադրբեջանին անմիջապես դադարեցնել բռնությունները՝ խոստանալով լայնամասշտաբ աջակցություն Լեռնային Ղարաբաղի իշխանություններին, որին կհաջորդի նրանց լիիրավ և ամբողջական լեգիտիմության ճանաչումը», – գրված է հայտարարության մեջ։

Ըստ թեմայի

ՌԴ ԱԳՆ-ում Հայաստանի և Ադրբեջանի դեսպանների մասնակցությամբ հանդիպումներ են ընթանում
Արցախի ԱԳՆ–ն միջազգային հանրությանը կոչ է հղել
ՀՀ ԱԳՆ–ն հայտարարություն է արել ԼՂ հակամարտության գոտում վերջին զարգացումների վերաբերյալ
թեգերը:
նամակ, Ֆրանսիա, Արցախ

Գլխավոր թեմաներ