23:55 28 հոկտեմբերի 2020
Ուղիղ եթեր
  • USD492.71
  • GBP638.90
  • EUR578.69
  • RUB6.31
Արցախ
Ստանալ կարճ հղումը
Ադրբեջանական ագրեսիան Արցախում - 2020 (1743)
124110

Արցախի ՄԻՊ–ը ճշտում է Ադրբեջանի գործողությունների հետևանքով արցախյան երկու քաղաքներում զոհերի և տուժածների վերջնական թիվը։

ԵՐԵՎԱՆ, 4 հոկտեմբերի – Sputnik. Շուշիում և Ստեփանակերտում հրթիռակոծության հետևանքով, ըստ նախնական տեղեկությունների, 4 մարդ է մահացել։ Sputnik Արմենիայի հետ զրույցում տեղեկությունը հայտնեց Արցախի մարդու իրավունքների պաշտպան Արտակ Բեգլարյանը։

«Հրթիռակոծության հետևանքով վիրավորների և զոհերի թիվը դեռ հստակեցվում է. երկու քաղաքներում, ըստ նախնական տեղեկությունների, 10 վիրավոր կա»,–ասաց Բեգլարյանը։

Նրա խոսքով` ավելի ուշ մանրամասներ հայտնի կլինեն։

Նշենք, որ արցախա–ադրբեջանական շփման գոտում ռազմական գործողությունների սկսման պահից ի վեր այսօր առաջին անգամ հրթիռակոծվել է նաև Շուշի քաղաքը։ Իսկ ինչ վերաբերում է մայրաքաղաք Ստեփանակերտին, ապա այն ադրբեջանական կողմի թիրախում էր հայտնվել դեռ սեպտեմբերի 28-ից։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 3-ի ժ. 22։00-ի դրությամբ` հակառակորդի կրակոցների հետևանքով զոհվել են 202 զինծառայողներ և 8 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 2730 զոհ ունի, 4400 վիրավոր։ Հակառակորդը նաև զինտեխնկայի զգալի կորուստ ունի և շարունակում է գրանցել։

Ըստ վերջին տվյալների ՝ Ադրբեջանի զինված ուժերը կորցրել են 14 ինքնաթիռ, 14 ուղղաթիռ, 123 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 372 տանկ և ՀՄՄ:

Առաջնագծում գտնվող տղաներն անում են անհնարինը. տեսանյութ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Հայացք թաքստոցից․ մահվան աչքերին նայած արցախցիները․ լուսանկարներ

թեմա:
Ադրբեջանական ագրեսիան Արցախում - 2020 (1743)

Ըստ թեմայի

Ադրբեջանն անընդհատ հարձակման փորձեր է ձեռնարկում. ՊՆ
Թբիլիսին հերքում է Վրաստանի տարածքով Ադրբեջանին զենք մատակարարելու տեղեկությունը
Ո՞ր դեպքում ՀՀ-ում գտնվող ՌԴ զինուժը կօգտագործվի ՀՀ անվտանգությունն ապահովելու համար
թեգերը:
Արտակ Բեգլարյան (Արցախի ՄԻՊ), Շուշի, Ստեփանակերտ, Արցախ

Գլխավոր թեմաներ